Дар ноҳияи Лахш барои давраи зимистон 21 ҳазору 565 тонна ангишт зарур аст

Ноябрь 15, 2016 10:09

Лахш, 15.11.2016. /АМИТ «Ховар»/. Мақомоти иҷроияи ҳокимияти давлатии ноҳияи Лахш барои фаъолияти мунтазам ва самарабахш дар давраи тирамоҳу зимистони солҳои 2016-2017 ва захираи маводи зарурӣ тадбирҳои мушаххас меандешанд. Тавре масъулини Мақомоти иҷроияи ҳокимияти давлатии ноҳия ба хабарнигори АМИТ «Ховар» хабар доданд: «Дар давраи зимистони солҳои 2016-2017 барои гармидиҳӣ аз буҷети ноҳия 977 ҳазору 699 сомонӣ ҷудо гардидааст, ки 615 ҳазору 002 сомонӣ барои соҳаи маориф, 235 ҳазору 008 сомонӣ барои соҳаи тандурустӣ ва 71 ҳазору 705 сомонӣ барои соҳаи фарҳанг, маблағҳои боқимонда барои дигар ташкилоту муассисаҳо ба нақша гирифта шудааст».
Дар маҷмӯъ, барои давраи зимистони солҳои 2016- 2017 захира кардани 21 ҳазору 565 тонна ангишт барои таъмини ҳамаи соҳаҳо ва аҳолии ноҳия зарур мебошад.
«Шуъбаи маорифи ноҳияи Лахш дар 61 муассисаи таълимӣ ва 5 муассисаи томактабӣ барои зимистонгузаронӣ 186 м2 шишабандиро иҷро намуда, 361 м3 ҳезуми хушк ва 469 тонна ангишт захира намудааст, ки сад фоизи нақшаро нишон медиҳад. Инчунин то имрӯз беморхонаи марказӣ 76 тонна ангишт, маркази саломатӣ 59 тонна, шуъбаи фарҳанг 63 тонна ангишт захира намудаанд»,-хабар медиҳад манбаъ.

Ноябрь 15, 2016 10:09

Хабарҳои дигари ин бахш