Дар шаҳри Қурғонтеппа оид ба тарзи ҳаёти солим ҳамоиш доир гардид
Душанбе, 17.11.2016. /АМИТ «Ховар»/. Дар шаҳри Қурғонтеппаи вилояти Хатлон бо иштироки намояндагони Кумитаи кор бо занон ва оилаи назди Ҳукумати Ҷумҳурии Тоҷикистон, Вазорати маориф ва илм, Академияи таҳсилоти Тоҷикистон, Дафтари Хазинаи нуфуси аҳолии СММ (UNFPA) дар Ҷумҳурии Тоҷикистон ва раёсатҳои маорифу тандурустии вилоят, директорони муассисаҳои таҳсилоти миёнаи умумии вилоят оид ба саломатии наврасон ва тарзи ҳаёти солим ҳамоиш баргузор гардид.
Дар ин бора ба хабарнигори АМИТ «Ховар» аз Кумитаи кор бо занон ва оилаи назди Ҳукумати Ҷумҳурии Тоҷикистон хабар доданд.
«Иштирокчиён оид ба масъалаҳои тарзи ҳаёти солим, тақвияти сиҳатӣ ва солимии репродуктивӣ, танзими оила, ҳуқуқҳои ҷавонон ва наврасон, ҳамкории муштарак дар самти тарғиби тарзи ҳаёти солим ва интишори маводи зарурӣ ибрози ақида намуданд»,- хабар дод манбаъ.
Ҳамоиш дар чаҳорчӯбаи барномаи кишварии Хазинаи нуфуси аҳолии СММ (UNFPA) дар Тоҷикистон барои солҳои 2016-2020 амалӣ мегардад.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
