Додозода: «Намояндагони Тоҷикистон дар доираи «Ҷаҳони боз» ба Амрико рафтаанд, на ҳамчун нозир»
Душанбе, 04.11.2016/АМИТ «Ховар»/. Интизор меравад, ки намояндагони Тоҷикистон бо ҷараёни баргузории интихоботи президентӣ дар Амрико, ки 8 ноябри соли равон доир мегардад, шинос шаванд.
Бо таъиди ин матлаб, Абдуманнон Додозода, роҳбари Дастгоҳи Комиссияи марказии интихобот ва раъйпурсии /КМИР/ Ҷумҳурии Тоҷикистон дар суҳбат ба хабарнигори АМИТ «Ховар» гуфт: «Ҳайати Тоҷикистон, ки аз намояндагони ҷомеаи шаҳрвандӣ ва сармутахассиси КМИР Далер Сафаров иборат аст, на ҳамчун нозир, балки дар доираи барномаи «Ҷаҳони боз» ба Амрико сафар намуданд».
Ҳайати Тоҷикистон муддати ду ҳафта- то 12 ноябр дар иёлоти Вашингтон ва Вирҷинияи Амрико бо ҳаёти сиёсию ҷамъиятии ин кишвар шинос мегарданд.
Хотиррасон менамоем, ки 8 ноябр дар Амрико чорабинии муҳими сиёсӣ- 58-умин интихоботи президентӣ баргузор мегардад, ки дар он ду номзад ба мансаби президентӣ- Ҳиллари Клинтон, собиқ котиби давлатии Амрико, намоянда аз Ҳизби демократҳо ва миллиардер Доналд Трамп аз Ҳизби ҷумҳурихоҳон барои мушарраф гаштан ба курсии Президенти Амрико мубориза мебаранд.
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
