ЭҲТИРОМИ ПАРЧАМ-ЭҲТИРОМ БА ВАТАН ВА МИЛЛАТ

Ноябрь 23, 2016 17:12

601Хоруғ, 23.11.2016. /АМИТ «Ховар»/. Дар Раёсати Вазорати корҳои дохилии ВМКБ бахшида ба Рӯзи Парчам ҷамъомади тантанавӣ баргузор гардид. Сардори РВКД Абдулваҳҳоб Искандарзода ҳамкорону ҳамкасбони худро бо ин рӯзи таърихӣ ва муқаддаси миллати тоҷик табрик намуда, изҳор дошт, ки «шарафу номус ва марзу буми миллати куҳанбунёди мо маҳз бо шарофати парчам аз ҳамлаи ғосибону истилогарони аҷнабӣ ҳифз шудаву то имрӯз чун як давлати соҳибистиқлол дар харитаи ҷаҳон сабт гардидааст. Миллати тоҷик дар тӯли таърих ба ягон кишвар лашкар накашидааст, аммо худ борҳо мавриди ҳамлаи аҷнабиён қарор гирифта, ҳар бор зери ливои озодӣ ва нангу номус муттаҳид гашта, хоки худ, забону фарҳанг ва расму суннати ниёгонашро бо ҷоннисорӣ ҳимоя менамуд. Маҳз ба ҳамин хотир хурду бузург ба нишони арҷгузорӣ дар баробари Парчами миллӣ ба зону мешинанд ва ва ё сар фуруд меоранд».
«Гузоштани Парчами миллӣ бо баландии 35 метр дар майдони Исмоили Сомонии шаҳри Хоруғ дар тобистони имсол аз эҳтироми хоси шаҳрвандони кишвар нисбат ба ин рамзи муҳими давлатдорӣ башорат медиҳад»,- таъкид шуд дар ҷамъомад.
Дар ҷамъомад як гурӯҳ кормандони милитсия барои ширкати фаъол дар тамрини муштараки низомии Тоҷикистону Чин, ки моҳи сентябри соли равон дар деҳаи Шитхарви ноҳияи Ишкошим баргузор гардид, бо ифтихорнома ва медали Вазири мудофиаи Ҷумҳурии Тоҷикистон сарфароз гардиданд.

Ноябрь 23, 2016 17:12

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт