Ф.Баротзода: «Ба омӯзиши мероси маънавии ниёгон аҳамияти махсус зоҳир намудан судманд аст»

Ноябрь 9, 2016 15:37

Душанбе, 09.11.2016 /АМИТ «Ховар»/. «Мураккаб шудани вазъияти сиёсӣ дар Ховари миёна ва суиистифода аз арзишҳо ва муқаддасоти дини ислом боис гардид, ки ба омӯзиши мероси маънавии ниёгон дар сатҳи роҳбарияти олии сиёсии кишвар таваҷҷуҳ зоҳир карда шавад»,- изҳор дошт имрӯз зимни конфронси илмӣ- амалии ҷумҳуриявӣ «Нақши мероси ниёгон дар гуфтугӯи фарҳангҳо» Файзулло Баротзода, директори Маркази исломшиносӣ дар назди Президенти Ҷуҳурии Тоҷикистон.
Сиёсати созандаи Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба эҳёи илму маорифи ватанӣ, нашр ва дастраси хонандагон гардонидани осори адабию таърихӣ, таълимоти арзишманди миллию мазҳабӣ ва ба ин васила, баланд бардоштани маърифати фарҳангӣ- ҳуқуқӣ ва динии ҷомеа дар сатҳи минтақавӣ ва ҷаҳонӣ эътироф шудааст.
Файзулло Баротзода ҳачунин иброз дошт, ки «аҳамияти махсус зоҳир намудан ба омӯзиши мероси маънавии ниёгон аз чанд ҷиҳат судманд буда, ҳузури илман асосноки мероси маънавӣ, бахусус адабиёти илмӣ- мазҳабӣ барои амнияти фарҳангӣ, паст кардани шиддати ифротгароӣ ва тундгароии динӣ мусоидат мекунад ва шавқу завқи муҳаққиқони ҷавонро ба омӯзиши нусхаҳои хаттӣ бедор карда, фарҳанги гузаштаро бо фарҳанги имрӯза тавъам менамояд».
Ба андешаи Худобердӣ Холиқназар, директори Маркази тадқиқоти стратегии назди Президенти кишвар, дар ҷаҳони имрӯза тоҷиконро бо осори бузурги фарҳангияшон мешиносанд.
«Дар кишварҳои бузург, ба мисли Амрико на танҳо осори Ҷалолиддини Балхиро медонанд ва мехонанд, балки маҳфилҳои зиёде баргузор менамоянд, ки он ҷо махсус маснавихонӣ аст», -гуфт мавсуф ва афзуд, ки «мутаасифона дар мо маҳфилҳои маснавихонӣ ва шоҳномахонӣ мавҷуд набуда, моро лозим меояд, ки ин гуна маҳфилҳоеро, ки солҳои пеш фаъолият мекарданд, аз сари нав эҳё намоем. Ба онҳо ҷавононро бештар ҷалб намоем, то онҳо аз осори гузаштагон огоҳ шаванд».

Ноябрь 9, 2016 15:37

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт