Имрӯз дар ҷумҳурӣ борони кӯтоҳмуддат дар назар аст

Душанбе, 09.11.16. /АМИТ «Ховар»/. Мутахассисони Агентии обуҳавошиносии Тоҷикистон имрӯз, 9 ноябр дар ҷумҳурӣ ҳавои тағйирёбандаи камборишро пешгӯӣ менамоянд.
Тавре ба АМИТ «Ховар» аз агентии мазкур хабар доданд, имрӯз дар тамоми ноҳияҳои Тоҷикистон ҳарорати ҳаво 3-4 дараҷа поён рафта, эҳтимоли боридани борони кӯтоҳмуддат дар назар аст. Аз ҷумла, дар вилояти Хатлон ҳарорати ҳаво дар водиҳо шабона 3-8, рӯзона 14-19 дараҷа гарм хоҳад шуд.
Дар вилояти Суғд ҳаво шабона 0-5, рӯзона 12-17 дараҷа гармиро ташкил медиҳад.

Дар Душанбе ҳавои тағйирёбандаи бебориш дар назар дошта шуда, ҳаво шабона 1-3, рӯзона 17-19 дараҷа гарм мешавад.
Дар ноҳияҳои тобеи марказ ҳавои тағйирёбандаи камбориш дар назар дошта шуда, дар баландии беш аз 1000 метр эҳтимоли боридани барф вуҷуд дорад . Ҳаво шабона 1-6 дараҷа, рӯзона 14-19 дараҷа гарм мешавад.
Дар Вилояти Мухтори Кӯҳистони Бадахшон ҳаво дар ғарби вилоят шабона 1-6 дараҷа хунук, рӯзона 12-17 дараҷа гарм; дар шарқи ин вилоят шабона 11-16 дараҷа хунук, рӯзона 0-5 дараҷа гарм мешавад.