«Истифода аз равишҳои муосири илмӣ дар таҳқиқи адабиёти форсӣ»- семинари илмӣ дар АИ ҶТ

Душанбе, 03.11.2016 /АМИТ «Ховар»/. 4 ноябри соли равон дар Китобхонаи марказии илмии ба номи Индира Гандии Академияи илмҳои Ҷумҳурии Тоҷикистон (АИ ҶТ) семинари илмӣ дар мавзӯи «Истифода аз равишҳои муосири илмӣ дар таҳқиқи адабиёти форсӣ (дар мисоли рӯзгор ва осори Ҳасани Деҳлавӣ)» баргузор мегардад.
Тавре аз Академияи илмҳои Ҷумҳурии Тоҷикистон ба АМИТ «Ховар» хабар доданд, дар семинари илмӣ устоди Донишгоҳи Айоваи Иёлоти Муттаҳидаи Амрико Пракаш Пранав ширкат меварзад.
Ҳамчунин иштироки донишҷӯён, магистрон, аспирантон ва устодони риштаи адабиёти донишгоҳу донишкадаҳо, омӯзишгоҳҳо ва коллеҷҳо дар ин маҳфили илмӣ дар назар аст.