Мардум дар симои корманди милитсия муҳофизи ҳуқуқу озодиҳои худ ва посбони амволи ҷамъияту давлатро мебинад
Душанбе, 09.11.2016 /АМИТ «Ховар»/. «Дар солҳои соҳибистиқлолӣ мақомоти корҳои дохилӣ ба ниҳоди муқтадир ва мубориз дар муқобили ҷинояткорӣ табдил ёфт. Дар симои корманди милитсия мардум муҳофизи ҳуқуқу озодиҳои худ ва посбони амволи ҷамъияту давлатро мебинанд». Ин суханоне ҳастанд, ки ба муносибати Рӯзи милитсияи тоҷик нисбат ба кормандону хизматчиёни мақомоти корҳои дохилӣ гуфта шуданд.
Бахшида ба ин рӯз вазири корҳои дохилии Ҷумҳурии Тоҷикистон Рамазон Раҳимзода ба як зумра шаҳру навоҳии вилояти Хатлон, аз ҷумла ба РВКД дар вилояти Хатлон, ШВКД-и ноҳияҳои Ҷалолиддини Балхӣ, Шаҳритуз, Қубодиён, Дӯстӣ, Ҷайҳун, инчунин ба раёсати Хадамоти давлатии оташнишонии вилояти Хатлон рафта, бо ҷараёни хизматбарии кормандони ин ниҳод шинос шуд.
Зимни боздид Вазири корҳои дохилӣ бо хизматбарии сарбозону афсарон, шароити моддӣ-маишӣ, ҷойи хоб, ошхона, ҳаммом, толори варзишӣ шинос шуда, бо ҳайати шахсӣ, шаҳрвандон, собиқадорони мақомоти корҳои дохилӣ ва ҷанговарони интернатсионалист вохӯрӣ доир намуд.
Ҳангоми вохӯрӣ Рамазон Раҳимзода сарбозону афсарони қисми низомии мазкурро ба муносибати Рӯзи милитсия табрик намуда, ба онҳо дар иҷрои вазифаҳои хизматӣ ва ҳифзу муқаддас доштани Ватани азиз сарбаландӣ ва музаффариятҳо таманно кард.
Мавсуф зимни мулоқот зикр кард, ки дар роҳи мубориза бо ҷинояткорӣ, ҳифзи тартиботи ҷамъиятӣ ва ҳуқуқу озодиҳои шаҳрвандон, пешгирии гаравидани ҷавонон ба ҳар гуна гурӯҳҳои тундраву ифротгаро кормандони мақомоти дохилиро зарур аст, ки дар ин ҷода фаъолияти хизматии хешро боз ҳам тақвият бахшида, дучанд ҷаҳду талош варзанд.
Ҳукумати мамлакат ва роҳбарияти Вазорати корҳои дохилӣ ҷиҳати беҳдошти вазъи иҷтимоӣ ва хизматии кормандони милитсия пайваста ғамхорӣ зоҳир менамоянд. Ҳамасола даҳҳо бинову иншооти ҷавобгӯ ба талаботи замони муосир мавриди истифода қарор мегиранд. Чунин шароити созгор бозгӯи он аст, ки кормандлни милитсия дар таъмини волоияти қонун, мубориза бо ҷинояткорӣ ва дигар қонуншиканиҳо сипари боэътимоданд.
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
Имрӯз дар Тоҷикистон ҳавои тағйирёбандаи бебориш дар назар аст
ФУТЗАЛ. Барои мураббиён машғулиятҳои омӯзишии «Level-2» оғоз гардид
