Муассисаҳои таълимии ноҳияи Рашт барои давраи зимистон бо 1172 тонна ангишт таъмин гардиданд

Рашт, 17.11.2016. /АМИТ «Ховар»/. Мақомоти иҷроияи ҳокимияти давлатии ноҳияи Рашт бо мақсади омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2016-2017 аз ҳисоби буҷаи маҳаллӣ 2 миллиону 156 ҳазору 926 сомонӣ ҷудо намуд. 1 миллиону 45 ҳазору 466 сомонии он барои харидории ангишту ҳезум ба соҳаи маориф равона гардидааст.
Дар ин бора масъулини Мақомоти иҷроияи ҳокимияти давлатии ноҳияи Рашт ба хабарнигори АМИТ «Ховар» хабар дода, гуфтанд, ки то имрӯз муассисаҳои таълимии ноҳияи Раштро бо 1172 тонна ангишт ва 930 м3 ҳезуми хушк, муассисаҳои соҳаи тандурустиро бо 226,4 тонна ангишту 114 м3 ҳезум ва соҳаи фарҳанги ноҳияро бо 52 тонна ангишт таъмин намудаанд, ки сад фоизи нақшаро дар бар мегирад».
«Раёсати ҷамъияти матлуботи ноҳияи Рашт барои сари вақт таъмин намудани аҳолӣ бо ангишт дар фасли зимистон 500 тонна ангишт захира кардааст»,-хабар дод манбаъ.