Мулоқотҳои Қоҳир Расулзода дар ҳошияи ҷаласаи 15-уми Шӯрои Сарони ҳукуматҳо-Сарвазирони давлатҳои аъзои СҲШ
Душанбе, 02.11.2016. /АМИТ «Ховар»/. Имрӯз Сарвазири мамлакат Қоҳир Расулзода барои иштирок дар кори ҷаласаи 15-уми Шӯрои Сарони ҳукуматҳо-Сарвазирони давлатҳои аъзои Созмони ҳамкории Шанхай ба шаҳри Бишкеки Ҷумҳурии Қирғизистон сафар кард.
Дар доираи сафари кории худ ба шаҳри Бишкек нимаи дуюми имрӯз Сарвазири мамлакат Қоҳир Расулзода бо вазири давлатӣ оид ба корҳои хориҷии Ҷумҳурии Ҳиндустон Акбар Ҷавод Мобашшар мулоқот кард. Дар мулоқот вазъи кунунӣ ва дурнамои муносибатҳои байниҳукуматии Тоҷикистон ва Ҳиндустон дар соҳаҳои мавриди таваҷҷуҳ баррасӣ шуданд. Ҷонибҳо ҷиҳати тақвияти ҳамкориҳои гуногунҷанбаи дуҷониба омодагию ҳавасмандии худро таъкид намуданд.
Ҳамчунин нимаи дуюми имрӯз мулоқоти Сарвазири мамлакат Қоҳир Расулзода бо Раиси Ҳукумати иҷроияи Ҷумҳурии Исломии Афғонистон доктор Абдулло Абдулло доир гардид. Ҷонибҳо масоили марбут ба ҳамкориҳои тиҷоратию иқтисодӣ, ҳамгироии муштарак дар соҳаҳои роҳу нақлиёт ва энергетика дар доираи фаъолияти Комиссияи байниҳукуматии Ҷумҳурии Тоҷикистон ва Ҷумҳурии Исломии Афғонистон оид ба ҳамкориҳои иқтисодию тиҷоратиро баррасӣ намуданд. Таваҷҷуҳи зарурӣ ба масоили иштироки муштарак дар татбиқи лоиҳаҳои бузурги сохтмони роҳҳои оҳан ва иншооти энергетикӣ зоҳир карда шуд. Дар мулоқот ҳамзамон масъалаҳои вобаста ба тақвияти мубориза бар зидди терроризму экстремизми байналмилалӣ ва коҷоқи ғайриқонунии маводи мухаддир муҳокима гардиданд.
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
