Мураббиёни дастаҳои мунтахаби Тоҷикистон ва Туркманистон баъди бозӣ ба рӯзноманигорон чӣ гуфтанд?

Ноябрь 10, 2016 11:12

khakim-fuzaylovДушанбе, 10.11.2016 /АМИТ «Ховар»/. Сармураббии дастаи мунтахаби Тоҷикистон Ҳаким Фузайлов дар нишасти матбуотии баъдибозӣ бо дастаи мунтахаби Туркманистон, ки бо ғалабаи футболбозони тоҷик бо ҳисоби 3:0 анҷом ёфт, бо изҳори қаноатмандӣ аз ҳунарнамоии бозингарон чунин гуфт: «Аз ҳама муҳим он аст, ки бозингарон он барномаеро, ки мо тарҳрезӣ кардаем, иҷро мекунанд ва тартиботро нигоҳ медоранд. Мо роҳи дурустро интихоб кардаем ва камбудиҳое, ки ба чашм расиданд, бартараф хоҳанд шуд. Ҷавонон низ бо бозингарони ботаҷриба баробар қадам мезананд, ки ин ба мо боварӣ мебахшад».
Дар мавриди баъди бо натиҷаи 2:0 ба сафи пеш баромадани дастаи мунтахаби Тоҷикистон, ки бозингарони мо бартариро ба меҳмонон дода, ба хати ҳимоя гузаштанд, Ҳаким Фузайлов бо ташвиш гуфт: «Ин гуна бозӣ кардан ҳеҷ мумкин нест. Агар дастаи пурқуввату ботаҷриба мебуд, футболбозони моро барои иваз кардани шакли бозӣ ҷазо медод. Дар ин масъала мо бо бозингарони даста суҳбат хоҳем кард».
tkm-coachАманклич Кочумов, сармураббии дастаи мунтахаби Туркманистон дастаи мунтахаби Тоҷикистонро бо ғалабааш табрик гуфта, арз кард, ки дар бозии баробар футболбозони тоҷик тавонистанд футболбозони туркманро ба шикаст рӯ ба рӯ кунанд. Ӯ гуфт: «Ҳуҷумҳои барқвори дастаи мунтахаби Тоҷикистон аз ҳимоя ба ҳуҷум бозингарони моро дар ғафлат гузоштанд ва мо ба хатоиҳои зиёд роҳ додем. Мураббиёни Шумо дастаи моро хуб омӯхтаанд. Ин бозӣ барои мо дарси хубе шуд ва мо аз камбудиҳо хулосаҳои зарурӣ хоҳем баровард».
Дастаи мунтахаби Туркманистон дар бозиҳои интихобии Ҷоми ҷаҳон соли гузашта дар як гурӯҳ бо дастаҳои мунтахаби Эрон, Уммон, Гуам ва Ҳиндустон шомил буд. Даста дар гурӯҳ дар ҷамъбасти мусобиқа бо 4 ғалаба, 1 мусовӣ ва се бохт бо касби 13 имтиёз зинаи сеюмро соҳиб шуд ва мустақиман ба бозиҳои интихобии Ҷоми Осиё- 2017 роҳхат гирифт. Туркманҳо дар майдонашон бо дастаи қавии Осиё- дастаи мунтахаби Эрон дар Тукманистон вохӯриашонро бо ҳисоби 1 бар 1 мусовӣ ҷамъбаст карда, дар сафар бо ҳисоби 3 бар 1 шикаст хӯрданд.
Ёдрас мешавем, ки дастаи мунтахаби Тоҷикистон 13-уми ноябр бозии навбатии рафиқонаро бо дастаи мунтахаби Афғонистон дар Варзишгоҳи марказии ҷумҳуриявӣ (соати 16:00) баргузор мекунад.

Ноябрь 10, 2016 11:12

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт