«Нақши ниҳоди президентӣ дар баланд бардоштани худшиносии миллӣ»-ҷамъомад дар Донишгоҳи давлатии тиҷорати Тоҷикистон

Душанбе, 16.11.2016. /АМИТ «Ховар»/. Имрӯз дар Донишгоҳи давлатии тиҷорати Тоҷикистон (ДДТТ) бахшида ба Рȳзи Президент дар мавзȳи «Президенти мо Пешвои мост» ҷамъомад доир гардид. Тавре ки аз Донишгоҳи мазкур хабар доданд, Ректори донишгоҳ профессор Мумин Шарифзода аз саҳми беназири Асосгузори сулҳу Ваҳдати миллӣ Пешвои миллат, Президенти мамлакат муҳтарам Эмомалӣ Раҳмон дар таъмини сулҳу суботи кишвар, мустаҳкам гардонидани пояҳои истиқлолияти давлатии Тоҷикистон ҳамчун ҷумҳурии соҳибистиқлол ва дар арсаи байналмилалӣ обрȳю нуфузи бештар пайдо намудани Тоҷикистон ёдовар шуд.
«Дар ҷамъомад дар мавзӯъҳои «Нақши ниҳоди президентӣ дар баланд бардоштани худшиносии миллӣ», «Эмомалӣ Раҳмон Пешвои миллат», «Саҳми Асосгузори сулҳу ваҳдати миллӣ Пешвои миллат дар таҳкими Истиқлолияти Ҷумҳурии Тоҷикистон», «Садоқат ба Ватан садоқат ба Президент», «Эмомалӣ Раҳмон арҷгузори фарҳанги тоҷикон» маърӯзаҳо шунида шуданд. Маърӯзаҳо ҷанбаҳои фаъолият ва ташаббусҳои наҷибу корнамоиҳои шоистаи таҳсини Президенти кишвар, сиёсатмадори сатҳи ҷаҳонӣ муҳтарам Эмомалӣ Раҳмонро дар бар мегирифтанд»,- хабар дод манбаъ.