Неруи созандаи ҷавононро бояд ба рушди фарҳанг ва иҷрои рисолати ватандорӣ равона кард!

Ноябрь 19, 2016 09:44

Душанбе, 19.11.2016 /АМИТ «Ховар»/. Масъалаи «Неруи созандаи ҷавонон дар рушди фарҳанг ва иҷрои рисолати ватандорию ифтихори миллӣ» зимни маҳфили фарҳангие дар Осорхонаи ҷумҳуриявии маданияти мусиқии ба номи Зиёдулло Шаҳидӣ мавриди баррасӣ қарор дода шуд.
Дар маҳфили фарҳангӣ устодон ва хонандагони Литсей-интернати президентӣ барои кӯдакони лаёқатманди Тоҷикистон иштирок доштанд.
Директори осорхона Юсуф Шоев дар мавриди арҷгузорӣ ба арзишҳои миллӣ, таҳкими сулҳу субот, мусоидат дар тарбияи фарҳангии ҷавонон, таблиғи ҳамаҷонибаи Ваҳдати миллӣ ва ватандӯстӣ сухан гуфт. Зикр гардид, ки ҳамкории осорхона бо литсей дар тарбияи фарҳангии насли наврас хеле назаррас ва муҳим мебошад.
Таълимгирандагони литсей аз осорхона дидан намуда, бо таърихи мусиқии ин даргоҳ шинос шуданд. Инчунин дастаи ҳаваскорони таълимгоҳ бо барномаи консертӣ табъи ҷамъомадагонро болида сохт.
Хотиррасон мекунем, ки Муассисаи давлатии Осорхонаи ҷумҳуриявии маданияти мусиқии ба номи Зиёдулло Шаҳидӣ марбут ба соҳаи фарҳанг ва осорхонашиносӣ буда, бо назардошти ташаккули фазои хуби фарҳангӣ фаъолият мекунад. Осорхона бо мақсади ғанӣ гардонидани ҷаҳони маънавӣ, шинохтани таърихи гузаштаву имрӯзаи мусиқии миллӣ ва таҳкими эҳсоси худшиносию ватанпарастӣ бо муассисаҳои таълимии пойтахт пайваста ҳамкорӣ менамояд.

Ноябрь 19, 2016 09:44

Хабарҳои дигари ин бахш

Имрӯз дар шаҳри Душанбе ҳаво рӯзона то 23 дараҷа гарм мешавад
Дар натиҷаи сӯхтори киштии мусофирбар дар Филиппин 12 нафар ба ҳалокат расид
Имрӯз дар ноҳияҳои алоҳидаи Тоҷикистон борон пешгӯӣ мешавад
«Ватанпарвар» дар Роштқалъа наврасонро ба хизмати Модар-Ватан омода менамояд
Шумораи бедаракшудагон дар Эквадор бар асари ярч ба 71 нафар расид
Имрӯз дар шаҳри Душанбе ҳаво рӯзона то 24 дараҷа гарм мешавад
Ба сокинони ҷамоатҳои деҳоти Даҳана ва Зиракии шаҳри Кӯлоб Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Бар асари фаромадани ярч дар қисмати марказии Эквадор 16 нафар ба ҳалокат расид
Тӯфони марговари «Фредди» якбора чанд рекорд нишон дод
Ҳар панҷумин белгиягӣ маҷбур аст, ки маҳсулотро аз хориҷа харидорӣ кунад
Бар асари тирпаронӣ дар мактаби Нэшвиллеи Амрико шаш нафар ба ҳалокат расид
80 ҷавони синни даъватӣ дар Мактаби муттаҳидаи техникии шаҳри Турсунзода касби ронандагӣ меомӯзад