Ню-Дели: «Муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм»
Душанбе, 15.11.16. /АМИТ «Ховар»/. 25-умин ҷаласаи пленарии Гурӯҳи АвруОсиё (ГАО) дар мавзӯи «Муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм» дар шаҳри Ню-Делии Ҷумҳурии Ҳиндустон баргузор гардид. Дар ин бора ба АМИТ «Ховар» аз хадамоти матбуоти Агентии назорати маводи нашъаовари назди Президенти Ҷумҳурии Тоҷикистон хабар доданд.
Иштирокчиёни ҷаласа масъалаҳои марбут ба муқовимат ба қонунигардонии даромадҳои бо роҳи ҷиноят бадастовардашуда, мубориза бар зидди маблағгузории терроризмро баррасӣ намуданд.
«Масоили интихоби муовини раис, ҳисобот оид ба муқовимат ба маблағгузории тиҷорати маводи нашъаовар, ҷинояткорӣ ва терроризм, ба қайд гирифтани Созишномаи Гурӯҳи АвруОсиё дар Котиботи СММ, буҷети Гурӯҳи АвруОсиё, инчунин муроҷиати Маркази минтақавии ҳамоҳангсозии иттилоотии Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекурсорҳои онҳо (ММҲИОМ) дар хусуси ба ин ташкилот додани мақоми мушоҳидачӣ дар Гурӯҳи АвруОсиё мавриди муҳокима қарор гирифтанд»,-хабар медиҳад манбаъ.
Аз ҷониби Ҷумҳурии Тоҷикистон дар ҷаласа Директори Агентии назорати маводи нашъаовари назди Президенти Ҷумҳурии Тоҷикистон Шерхон Салимзода сухан гуфт.
Хотиррасон мекунем, ки дар кори ҷаласа инчунин намояндагони Кумитаи зиддитеррористии СММ, Раёсати СММ оид ба маводи нашъаовар ва ҷинояткорӣ, Бонки Осиёии Рушд, Бонки аврупоии таҷдид ва рушд, Хазинаи Байналмилалии Асъор, ташкилотҳои бонуфузи байналмилалӣ, инчунин роҳбарон ва намояндагони воломақоми идораҳои зиддимухаддиротии Ҷумҳурии Беларус, Ҷумҳурии Қазоқистон, Ҷумҳурии Қирғизистон, Ҷумҳурии Ӯзбекистон, Туркманистон, Ҷумҳурии Ҳиндустон, Ҷумҳурии Мардумии Чин ва Федератсияи Русия ширкат доштанд.
Барои хатмкунандагони муассисаҳои таҳсилоти миёнаи умумӣ ва таҳсилоти ибтидоӣ ва миёнаи касбӣ омӯзиши забони олмонӣ оғоз меёбад
Дурнамо ва густариши ҳамкорӣ байни Тоҷикистон ва Покистон баррасӣ гардид
Далер Наимов: «Дастаи мо аз шахсони зираку кордон иборат аст»
Имрӯз дар Душанбе ҳавои камабри бебориш дар назар аст
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
