Қосим Роҳбар: «Конститутсия асосҳои сиёсиву ҳуқуқӣ ва самтҳои асосии таҳкиму пешрафти кишварро мутобиқи меъёрҳои эътирофшудаи муосир муқаррар кард»
Душанбе, 05.11.2016. /АМИТ«Ховар»/. 4 ноябр дар Кумитаи рушди маҳали назди Президенти Ҷумҳурии Тоҷикистон ҷаласаи васеи кории назди Раиси Кумита баргузор гардид. Тавре аз Кумитаи мазкур хабар доданд, дар ҷаласа Раиси Кумита Қосим Роҳбар кормандонро бо 22-юмин солгарди Конститутсияи Ҷумҳурии Тоҷикистон табрик гуфт. Ҳамчунин маcъалаҳо оид ба иҷрои супориши Протоколи маҷлиси Ҳукумати Ҷумҳурии Тоҷикистон, банди 16 дар бораи «Шиносоӣ бо натиҷаи таҳқиқоти маҷмӯии сотсиологӣ оид ба арзёбии вазъи коррупсия дар Ҷумҳурии Тоҷикистон», ки дар баромади Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон зикр шуда буд, баррасӣ гардиданд.
Раиси Кумита зикр намуд, ки «Конститутсияи Тоҷикистони соҳибистиқлол дар таърихи навини кишвар санади воқеан таърихӣ ва тақдирсози миллат аст ва он Истиқлолияти давлатии тоҷиконро дар сатҳи қонунии олии мамлакат сабт намуда, асосҳои сиёсиву ҳуқуқӣ ва самтҳои асосии таҳкиму пешрафти онро дар оянда мутобиқи меъёрҳои эътирофшудаи муосир муқаррар кард».
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
