Озмуни муаллим, донишҷӯ ва хонандаи сол ҷамъбаст шуд

Ноябрь 10, 2016 17:20

Душанбе, 10.11.2016 /АМИТ «Ховар»/. Имрӯз, 10 ноябр дар Вазорати фарҳанги Ҷумҳурии Тоҷикистон озмуни «Муаллими беҳтарин», «Донишҷӯи беҳтарин» ва «Хонандаи беҳтарини сол» ҷамъбаст гардид. Дар ин бора аз Вазорати фарҳанги Ҷумурии Тоҷикистон ба хабарнигори АМИТ «Ховар» хабар доданд.
Озмуни мазкур моҳи октябри соли равон бо мақсади ҳавасмандгардонӣ, тарғиби навҷӯию эҷодкорӣ, баланд бардоштани маҳорати касбӣ, истифодаи таҷрибаи пешқадам эълон гардида, дар он муассисаҳои зертобеи Вазорати фарҳанги Ҷумурии Тоҷикистон дар шаҳри Душанбе, аз ҷумла, Консерватория, мактабҳои санъат, коллеҷҳо, донишкадаҳо иштирок намуданд ва тибқи шартҳои муқараргардидаи озмун хонанда, донишҷӯ ва омӯзгори беҳтарини сол муайян шуданд.
Аз рӯи ҷамъбасти озмун муаллимаи калони кафедраи созҳои мусиқии Донишкадаи давлатии фарҳанг ва санъати Тоҷикистон ба номи М.Турсунзода Зарина Атоева, мудири кафедраи фортепианои тахассусӣ ва созҳои оркестрии Консерваторияи миллии Тоҷикистон ба номи Т. Сатторов Нигина Обидова, мудири кафедраи мусаввирӣ ва ҳайкалтарошии Донишкадаи давлатии санъати тасвирӣ ва дизайни Тоҷикистон Мизроб Холов, омӯзгори фанҳои ҷамъиятии Коллеҷи санъати шаҳри Душанбе ба номи А.Бобоқулов Моҳбегим Ғафурова, омӯзгори фанни рақси саҳнавӣ ва классикии шуъбаи рақси муосир ва халқии Коллеҷи ҷумҳуриявии хореографии ба номи М. Собирова Татяна Азамова, омӯзгори шуъбаи «Таълими мусиқӣ»-и Коллеҷи фарҳанги ҷумҳуриявӣ ба номи П. Бӯйдоқов Зафар Абдуллоев, омӯзгори фанни тахассусии Коллеҷи ҷумҳуриявии рассомии ба номи М.Олимов Раҳим Сафаров, муовини директор оид ба таълими санъати Мактаб- интернати миёнаи махсуси санъати ҷумҳуриявӣ ба номи М.Атоев Осуда Насрудинова ва мудири шуъбаи фортепианои Мактаб-интернати миёнаи махсуси мусиқии ҷуҳуриявӣ ба номи З.Шаҳидӣ Ванда Макиевская муаллими беҳтарини сол дониста шуданд. Ҳамчунин 7 нафар донишҷӯён ва ду нафар хонандагони синфи 8 ва 9 донишҷӯ ва хонандаи беҳтарини сол интихоб шуданд.

Ноябрь 10, 2016 17:20

Хабарҳои дигари ин бахш

Ба сокинони Норак моҳияти Паёми Президенти Тоҷикистон ба Маҷлиси Олии Ҷумҳурии Тоҷикистон тавзеҳ дода шуд
Дар Тоҷикистон якбора номусоид шудани вазъи ҳаво дар назар аст
Имрӯз Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Пагоҳ Кумитаи меъморӣ ва сохтмон, Кумитаи телевизион ва радио, Академияи миллии илмҳо, Маркази тадқиқоти стратегӣ ва МД «Телевизиони «Сафина» нишасти матбуотӣ баргузор менамоянд
Имрӯз Кумитаи ҳолатҳои фавқулода ва мудофиаи гражданӣ, Суди Олии иқтисодӣ, Агентии суғуртаи иҷтимоӣ ва нафақа, Хадамоти зиддиинҳисорӣ нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш дар назар аст
Имрӯз «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
Имрӯз дар Тоҷикистон борон ба амал меояд
Кумитаи ҳифзи муҳити зист доир ба омӯзиши муҳтавои Паёми Президенти Ҷумҳурии Тоҷикистон ҳамоиш баргузор намуд
Дар Норак даври шаҳрии озмуни вилоятии «Суруди Алла» баргузор шуд
Пагоҳ «Амонатбонк», Хадамоти иҷро, Маркази миллии тестӣ ва Иттифоқи «Тоҷикматлубот» нишасти матбуотӣ баргузор менамоянд
Имрӯз дар Тоҷикистон ҳавои тағйирёбандаи бебориш пешгӯӣ мешавад