Парчами давлатӣ- рамзи ғалаба ва муваффақият аст
Душанбе, 24.11.2016 /АМИТ «Ховар»/. Имрӯз дар филиали Донишгоҳи давлатии Маскав ба номи М.В. Ломоносов дар шаҳри Душанбе таҳти унвони «Парчами миллӣ- рамзи давлатдорӣ» ҳамоиш багузор гардид.
Дар ҳамоиши мазкур донишҷӯёни курси 1 донишгоҳ иброз доштанд, ки: «Парчами миллии Тоҷикистон 24 ноябри соли 1992 дар иҷлосияи Шӯрои Олии Ҷумҳурии Тоҷикистон тасдиқ шуда, он 1 августи соли 2011 ҳамчун парчами аз ҳама баландтарини ҷаҳон дар китоби «Рекордҳои Гиннес» дохил карда шуд».
Наврӯзи Давлат, омӯзгори забони тоҷикии филиали Донишгоҳи давлатии Маскав ба номи М.В. Ломоносов дар шаҳри Душанбе иброз дошт, ки парчам ин рамзи давлату давлатдорӣ, ғалаба ва муваффақият мебошад.
«Тавре аз «Шоҳнома»-и Абулқосим Фирдавсӣ бармеояд, 1000 сол қабл аввалин шуда, парчамро Коваи оҳангар истифода кард. Ӯ пешдомани чармини худро ба сари найза баста, боло бардошт ва бар зидди Заҳҳок мубориза бурд. Аз ин рӯ Парчами миллӣ рамзи мубориза ва ғалаба дониста шудааст»,- афзуд Наврӯзи Давлат.
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
