Парвозҳо байни Душанбе ва Тошканд аз моҳи январи соли 2017 фаъол мегарданд

Ноябрь 30, 2016 15:24

Душанбе, 30.11.2016 /АМИТ «Ховар»/. Шурӯъ аз моҳи январи соли 2017 байни пойтахтҳои Тоҷикистону Ӯзбекистон- Душанбе ва Тошканд парвозҳо фаъол хоҳанд гашт. Дар ин бора ба АМИТ «Ховар» Юсуф Раҳмон, сардори Раёсати авиатсияи граждании Вазорати нақлиёти Ҷумҳурии Тоҷикистон хабар дод.
Бино ба иттилои сарчашма, имрӯз дар Вазорати нақлиёти кишвар байни ҳайати Тоҷикистону Ӯзбекистон санад оид ба ҳамкорӣ ба имзо расид.
Юсуф Раҳмон афзуд, ки парвозҳоро аз ҷониби Тоҷикистон ширкати ҳавопаймоии «Сомон Эйр» ва аз ҷониби Ӯзбекистон «Ӯзбекистон ҳаво Йуллари» ба роҳ мемонанд. «Парвозҳо ҳафтае ду маротиба аз тариқи хатсайри Душанбе-Тошканд- Душанбе ба роҳ монда мешаванд. Тавассути ин хатсайр ҳамлу нақли мусофирони транзитӣ ва нафароне, ки мехоҳанд ба Ӯзбекистон сафар намоянд, роҳандозӣ мешавад. Ин ба соҳаи авиатсияи ду ҷониб такони тоза мебахшад. Дар назар аст, ки дар оянда ҳамлу нақли бор низ ба роҳ монда шавад, зеро ин нуқта дар протокол дарҷ шудааст»,-илова намуд мусоҳиб.
Бино ба дурнамои вазорат, дар оянда байни дигар шаҳрҳои ин ду кишвар парвозҳо ба роҳ монда мешаванд.
Ҷамила Ҳусейнова, котиби матбуоти «Фурудгоҳи байналмилалии Душанбе» зимни суҳбат ба хабарнигори АМИТ «Ховар» иброз дошт, ки ҳайати Ӯзбекистон имрӯз аз фурудгоҳи байналмилалӣ, кори хадамоти он ва терминали байналмилалӣ дидан намуда, барои ҳамкорӣ дар гусел ва қабули мусофирон бо фурудгоҳ ба тавофуқ расиданд.

Ноябрь 30, 2016 15:24

Хабарҳои дигари ин бахш

Дар мақомоти гумрук мусобиқаи кушоди варзишӣ ҷамъбаст шуд
Дар Донишгоҳи давлатии Данғара Фестивали бозиҳои варзишӣ доир гардид
Судяҳои шаҳри Ваҳдат Паёми Пешвои миллатро ба сокинон шарҳу тафсир медиҳанд
ОБУ ҲАВО: Имрӯз дар шаҳри Душанбе ҳаво 22+24 дараҷа гарм мешавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Шуъбаи ҷарроҳии беморхонаи вилоятии Бадахшон пас аз таъмири асосӣ ба фаъолият оғоз намуд
Дар ҳудуди Тоҷикистон саршумори бузи кӯҳии пармашох муайян карда мешавад
Дар минтақаи Кӯлоб тавзеҳи низоми ҳаракати ҳизбӣ дар сатҳи маҳаллаву деҳот идома дорад
ОБУ ҲАВО: Имрӯз дар Тоҷикистон ҳаво то 24+29 дараҷа гарм мешавад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Пешвои миллат: «Ҳунармандони наққошу кандакори Исфара миллати тоҷик ва Тоҷикистонро бо ҳунари волои худ дар ҷаҳон муаррифӣ мекунанд»
ОБУ ҲАВО: Имрӯз дар Тоҷикистон ҳаво бебориш мешавад

Маводҳои таҳлилӣ