Пешвои миллат: «Ҳукумати Тоҷикистон ҷиҳати дарёфти роҳҳои ҳалли масъалаҳои вобаста ба об талошҳои пайваста меварзад»

Ноябрь 28, 2016 16:22

Душанбе, 28.11.2016 /АМИТ «Ховар»/. Президенти Ҷумҳурии Тоҷикистон муҳтарам Эмомалӣ Раҳмон зимни суханронӣ дар Саммити оби Будапешт оид ба мушкилоти байналмилалии марбут ба об изҳорот дод, ки роҳбарияти Тоҷикистон барои дарёфти роҳҳои ҳалли масъалаҳои вобаста ба об талошҳои пайваста меварзад.
«Тоҷикистон захираҳои бузурги обро дар теъдоди зиёди пиряху дарёҳо, кӯлҳо ва шабакаҳои обии зеризаминӣ доро аст. Дар қаламрави кишвари мо зиёда аз 60 фоизи захираҳои обии минтақаи Осиёи Марказӣ ташаккул меёбад», — омадааст дар суханронии Сарвари давлат.
Ҳукумати Тоҷикистон ҷиҳати дарёфти роҳҳои ҳалли масъалаҳои вобаста ба об талошҳои пайваста меварзад. «Танҳо дар даҳ соли охир мо ин соҳаи ҳаётан муҳимро дар ҳудуди як миллиарду ҳафтсад миллион доллари амрикоӣ маблағгузорӣ кардем, — таъкид кард Пешвои миллат ва афзуд, ки «Сарфи назар аз ин, кишвари мо дар бахшҳои фаръии вобаста ба об ҳоло ҳам рӯ ба рӯи мушкилот қарор дорад. Чунин ҳолат, пеш аз ҳама, ба зерсохтори фарсудашуда, имкониятҳои маҳдуди молиявӣ ва норасоии иқтидорҳои техникӣ вобастагӣ дорад. Ҳамзамон, як қисмати аҳолӣ, бахусус дар деҳот, ҳоло ҳам ба шароити беҳтар дар арсаи беҳдошт ва дастрасӣ ба манбаъҳои тозаи оби нӯшокӣ ниёзманд аст».
Президенти мамлакат зикр намуд, ки «Тоҷикистон захираҳои бузурги гидроэнергетикиро дошта бошад ҳам, дар давраи фасли зимистон ҳамасола бо камбуди неруи барқ дучор мешавад, ки дар навбати худ боиси мушкилоти мухталифи иҷтимоиву иқтисодӣ мегардад».
Дар суханронии Сарвари давлат таъкид гардид, ки аз 527 миллиард кВт/соати иқтидорҳои солонаи кишвар имрӯз танҳо 3-4 фоизи он истифода мешавад. Ин нишондиҳандаҳо аз имконоти бузурги ҳалли мушкилоти мавҷудаи иҷтимоиву иқтисодӣ, ҳамчунин расидан ба рушди устувор шаҳодат медиҳанд.

Ноябрь 28, 2016 16:22

Хабарҳои дигари ин бахш

Ба 70 нафар хонандагони муассисаҳои таҳсилоти миёнаи умумӣ Стипендияи Раиси вилояти Хатлон дода мешавад
Кишоварзони Турсунзода шаҳру навоҳии мамлакатро бо зиёда аз 500 тонна сабзавоту мева таъмин намуданд
ОБУ ҲАВО: Имрӯз дар ноҳияҳои алоҳидаи Тоҷикистон борони кӯтоҳмуддат меборад
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Нахустин ҷаласаи Платформаи миллӣ оид ба паст кардани хавфи офатҳои табиӣ дар соли 2021 доир шуд
Дар ҷаласаи Комиссияи байниидоравӣ танзими фаъолияти воситаҳои нақлиёти гаронвазн ва рақамикунонии соҳаи роҳу нақлиёт баррасӣ шуд
ОБУ ҲАВО: Имрӯз дар шаҳри Душанбе ҳаво 32+34 дараҷа гарм мешавад
ТАҚВИМИ АМИТ «ХОВАР»: имрӯз 30 апрел, ҷумъа, 120- умин рӯзи соли 2021 аст
COVID-19: Шабонарӯзи охир дар Тоҷикистон ягон ҳолати нави гирифторшавӣ ба ин беморӣ ба қайд гирифта нашуд
Дар Душанбе таҳти унвони «Масъалаҳои мубрами таъмини амнияти иттилоотӣ » конференсияи ҷумҳуриявӣ доир гардид
«ТОЗАГИИ СОҲИЛ». Аз атрофи Сирдарё 4,5 метри мураббаъ партов бароварда шуд
ОБУ ҲАВО: Имрӯз дар вилояти Хатлон ҳаво 33+38 дараҷа гарм мешавад

Маводҳои таҳлилӣ