Рӯзҳои фарҳанги Тоҷикистон дар Беларус. Шоми имрӯз дар шаҳри Бобруйск консерти устодони санъати тоҷик доир мегардад
Душанбе, 11.11.2016 /АМИТ «Ховар»/. Имрӯз, 11 ноябр дар доираи Рӯзҳои фарҳанги Тоҷикистон дар Беларус баргузории як зумра барномаҳои фарҳангӣ дар назар аст.
Тавре аз Вазорати фарҳанги Ҷумҳурии Тоҷикистон ба АМИТ «Ховар» хабар доданд, нахуст дар Китобхонаи миллии Беларус рӯнамои тарҷумаи китоби А. Дударев «Аскарони қаторӣ», ки аз ҷониби мутарҷимони тоҷик таҳия шудааст, доир мегардад.
Дар Кинотеатри давлатии «Беларус» дар шаҳри Минск ифтитоҳи Рӯзҳои кинои тоҷик сурат гирифта, худи ҳамин рӯз мухлисони санъати тасвирӣ метавонанд аз намоиши мусаввирони муосири Тоҷикистон, ки дар нигористон (галерея)-и мусаввирии Михаил Савитский дар шаҳри Минск ташкил мешавад, баҳра баранд.
Шоми имрӯз барномаи бошукӯҳи консерти устодони санъати тоҷик дар саҳни Театри мазҳакавӣ-драмавии ба номи Дунин-Мартсинкевич дар шаҳри Бобруйск барои сокинон ва меҳмонони шаҳри Бобруйск баргузор мегардад.
Рӯзҳои кинои тоҷик ва намоиши мусаввирӣ то 13 ноябр идома хоҳанд ёфт.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
