Рустам Назарзода «Эъломияи Душанбе»-ро муаррифӣ кард
Душанбе, 04.11.2016 /АМИТ «Ховар»/. Рустам Назарзода, Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бо ширкат дар маросими ифтитоҳи Конфронси осиёӣ оид ба коҳиши хатари офатҳо «Эъломияи Душанбе»-ро муаррифӣ кард.
Тавре аз ин Кумита ба АМИТ «Ховар» иттилоъ доданд, Рустам Назарзода зимни суханронӣ аз номи кишварҳои Осиёи Марказӣ ва Қафқози Ҷанубӣ «Эъломияи Душанбе»-ро, ки 12-уми июли соли 2016 дар пойтахти Тоҷикистон дар ҷараёни мулоқоти аввалини Платформаи Минтақавӣ оид ба коҳиши хатари офатҳо қабул шуда буд, муаррифӣ кард.
Инчунин бо мақсади тавсеаи ҳамкории байналмилалӣ Рустам Назарзода бо хонум Шамшод Ахтар, котиби иҷроияи Комиссияи Иқтисодӣ ва иҷтимоии СММ барои кишварҳои минтақаи Осиё ва Уқёнуси Ором (ESCAPE), Роберт Глассер, намояндаи махсуси Дабири кулли СММ оид ба масъалаҳои коҳиши зарар аз офатҳо ва Кирен Раҷиджу, вазири федералии умури дохилии Ҳинд мулоқот кард.
Маврид ба ёдоварист, ки дар кори конфронс вазирон ва сарварон аз 56 кишвари олам, ҳамчунин 20 созмони байналмилалӣ иштирок доранд. Қарор аст дар поёни конфронс Нақшаи татбиқи барномаи қолабии Сендай ва Эъломияи Деҳлии Нав қабул шаванд.
Имрӯз дар водиҳои Тоҷикистон ҳаво 23 дараҷа гарм мешавад
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
