Се рӯзи истироҳат ба шарафи Рӯзи Конститутсия

Ноябрь 2, 2016 15:41

Душанбе, 02.11.2016 /АМИТ «Ховар»/. 6 ноябр 22-солагии қабул шудани Конститутсияи Ҷумҳурии Тоҷикистон бо шукӯҳу шаҳомати хосса ҷашн гирифта мешавад. Мувофиқи иттилои Федератсияи иттифоқҳои касабаи мамлакат, бахшида ба Рӯзи Конститутсия рӯзҳои 5, 6 ва 7-уми ноябр рӯзҳои истироҳатӣ таъйин шудаанд.
Бо сабаби он ки 6-уми ноябр ба рӯзи тақвимии якшанбе рост омадааст, тибқи муқаррароти Қонуни Ҷумҳурии Тоҷикистон «Дар бораи рӯзҳои ид» рӯзи душанбе низ рӯзи истироҳатӣ мебошад. Рӯзи 5-уми ноябр, ки ба рӯзи шанбе мувофиқ омадааст, ҳамчун рӯзи истироҳатии муқаррарӣ (ба истиснои корхонаву муассисаҳое, ки рӯзи шанбе то нисфирӯзӣ кор мекунанд) мебошад. Ҳамин тавр сокинони мамлакат се рӯз истироҳат намуда, рӯзи 8-уми ноябр ба кор мебароянд.
Рӯзи Конститутсияи Тоҷикистон яке аз идҳои асосии миллӣ дониста мешавад. 6-уми ноябри соли 1994 бори нахуст дар таърихи навини кишвар раъйпурсии умумихалқӣ барои қабули Конститутсияи нави Тоҷикистони соҳибистиқлол баргузор гардид. Солҳои 1999, 2003 ва 2016 боз ҳам аз тариқи раъйпурсии умумихалқӣ тағйиру иловаҳо ба Конститутсияи ҷумҳурӣ ворид карда шуданд.
Рӯзи 6-уми ноябр Парчами давлатии Тоҷикистон барафрохта шуда, ҳамчунин дар арафаи ин ид бо ташаббуси мақомоти давлатӣ, ташкилотҳои ҷамъиятӣ ва ҷамоаҳои меҳнатӣ ҷамъомадҳои ҷамъиятӣ-сиёсӣ гузаронида мешаванд.

Ноябрь 2, 2016 15:41

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад