Шоми имрӯз пианинонавози олмонӣ Росвита Ломер дар Душанбе барномаи консертӣ доир менамояд
Душанбе, 09.11.2016 /АМИТ «Ховар»/. Шоми имрӯз дар толори Консерваторияи миллии Тоҷикистон ба номи Талабшо Сатторов консерти классикии фортепиано бо иштироки пианинонавози машҳури олмонӣ Росвита Ломер баргузор мегардад. Дар ин бора аз Вазорати фарҳанги Ҷумҳурии Тоҷикистон хабар доданд.
Ташаббускори барнома Сафорати Олмон дар Тоҷикистон буда, баргузории консерт шоми 11 ноябр низ дар назар дошта шудааст.
Дар барномаи консертии пианинонавози олмонӣ Росвита Ломер осори классикии бастакорони ҷаҳонӣ манзури ҳаводорони санъати фортепиано мегардад.
Қаблан Росвита Ломер дар зиёда аз 40 давлати қитъаҳои мухталифи дунё, аз ҷумла дар Русия, Қазоқистон, Қирғизистон, Ӯзбекистон, Украина ва Чин ҳунари худро намоиш додааст.
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
Пагоҳ дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Имрӯз дар шаҳри Душанбе ҳаво то 44 дараҷа гарм мешавад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
