Соҳибкорони Тоҷикистон ва Беларус ривоҷи ҳамкории тиҷоратию иқтисодиро дар соли 2016 муҳим арзёбӣ намуданд

Ноябрь 17, 2016 17:16

Душанбе, 17.11.2016. /АМИТ «Ховар»/. Имрӯз дар Палатаи савдо ва саноати Ҷумҳурии Тоҷикистон вохӯрии соҳибкорони Ҷумҳурии Тоҷикистон ва Ҷумҳурии Беларус оид ба густариши ҳамкории иқтисодию тиҷоратӣ доир гардид. Хабарнигори АМИТ «Ховар» хабар медиҳад, ки дар вохӯрӣ намояндагон ва роҳбарони ширкатҳои бонуфузи Беларус ва кормандони масъули вазорату идораҳои Ҷумҳурии Тоҷикистон иштирок доштанд.
Дар вохӯрӣ масъалаҳои асосӣ дар самтҳои афзалиятнок оид ба густариши ҳамкории дуҷониба дар бахшҳои кишоварзӣ, саноат, нақлиёт, сохтмон, энергетика, мошинсозӣ, алоқа, тандурустӣ, дастгирии тиҷоратии хурду калон ва сармоягузорӣ, инчунин ҳамкории минтақавӣ баррасӣ шуданд.
«Ҳамзамон соҳибкорони Тоҷикистон ва Беларус зарурати фаъолгардонии ҳамкории тиҷоратию иқтисодиро барои таъмини рушди тиҷоратӣ дар соли 2016 низ муҳим арзёбӣ намуданд. Аз ин лиҳоз хоҳиш намуданд, ки мисли солҳои қаблӣ муҳимияти иҷрои масъалаҳоро дар соҳаи тиҷоратию иқтисодӣ дар сатҳи баланд идома диҳанд»,-хабар дод манбаъ.
Тибқи маълумоти Агентии омори назди Президенти Ҷумҳурии Тоҷикистон, дар соли 2015 гардиши савдои Ҷумҳурии Тоҷикистон ва Ҷумҳурии Беларус 32,7 млн. доллари ИМА-ро ташкил дод. Аз ҷумла, содирот 2,8 млн. доллари ИМА ва воридот 29,9 млн. доллари ИМА-ро дар бар мегирад.
«Маҳсулоти асосии аз Ҷумҳурии Тоҷикистон ба Ҷумҳурии Беларус содиротгардида нахи пахта, хушкмева, омехтаи чормағз ва сабзавот мебошанд. Маҳсулоти асосии аз Ҷумҳурии Беларус ба Ҷумҳурии Тоҷикистон воридгардида тракторҳо, шакар, мебел, автомобилҳо, чорвои сермаҳсул, доруворӣ, инчунин ашёи хом барои истеҳсоли маҳсулоти гуногун мебошанд»,-иттилоъ додааст манбаъ.

Ноябрь 17, 2016 17:16

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт