«Тоҷик Эйр»: парвозҳо ба самти Душанбе- Хоруғ бо сабабҳои техникӣ қатъ шудаанд

Ноябрь 16, 2016 10:21

Душанбе, 16.11.16. /АМИТ «Ховар»/. Ширкати миллии ҳавопаймоии «Тоҷик Эйр» ба таваҷҷуҳи шаҳрвандони кишвар мерасонад, ки аз сабаби гузаронидани корҳои техникиву тармимӣ дар тайёраҳои АН28 парвозҳо ба самти Душанбе- Хоруғ муваққатан боздошта шудаанд.
Дар ин бора котиби матбуоти ширкат Азиз Хайруллоев ба АМИТ «Ховар» иттилоъ дод.
Ширкати «Тоҷик Эйр» аз ҳамаи мусофирони ин хатсайр барои боздошти парвоз ва нороҳатӣ маъзарат мепурсад.
«Парвозҳо ба самти мазкур тавассути тайёраи АН28 амалӣ мешуданд, ки иҷозатномаи дахлдор дорад. Сафарҳо ба самти Хоруғ аз аввали моҳи октябри соли равон боздошт шуданд. Навъи дигари тайёраҳо ба ин минтақа парвоз карда наметавонанд, зеро релефи душвори кӯҳӣ дорад»,-хабар медиҳад манбаъ.
Боздошти хатсайр муваққатӣ буда, ширкат нақша дорад пас аз корҳои техникӣ парвозҳоро барқарор намояд.
«Мо тамоми кӯшишро ба харҷ дода истодаем, то тартиби пешинаи парвозҳоро аз тариқи хатсайри Душанбе-Хоруғ боз ба роҳ монем. Хотиррасон мекунем, ки парвозҳо тавассути хатсайрҳои дигар бо тартиби пешина амлӣ гашта истодаанд»,-илова намуд котиби матбуоти «Тоҷик Эйр» Азиз Хайруллоев.

Ноябрь 16, 2016 10:21

Хабарҳои дигари ин бахш

Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт
Дар Донишгоҳи техникии Тоҷикистон вобаста ба меъморӣ ва шаҳрсозӣ конференсияи илмӣ-амалӣ доир шуд
Насби пойгоҳи базавӣ чӣ қадар арзиш дорад?
Тоҷикистон ва Узбекистон татбиқи лоиҳаҳои манфиатбахши муштаракро баррасӣ намуданд
Имрӯз дар Тоҷикистон ҳавои тағйирёбанда мешавад
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст