Туҳфаи шаҳрдори Хуҷанд ба кӯдакони имконияташон маҳдуд ба ифтихори Рӯзи Президент

Хуҷанд, 16.11.2016. /АМИТ «Ховар»/. Ба ифтихори Рӯзи Президенти Ҷумҳурии Тоҷикистон дирӯз раиси шаҳри Хуҷанд Шариф Шарифзода зимни шиносоӣ бо шароити парвариш ва таълиму тадриси кӯдакони Мактаб-интернати махсуси ёрирасони шаҳр, Муассисаи давлатии махсусгардондашудаи табобатии Хонаи кӯдакони шаҳр, ширхоргоҳ-кӯдакистони№ 26 барои тифлони нутқу шунавоиашон нуқсондор ва Мактаб-парваришгоҳи махсус барои кӯдакони қувваи босираашон суст ба тамоми тарбиятгирандагони ин муассисаҳо либосҳо ва туҳфаҳои хотиравӣ тақдим намуд.
«Раиси шаҳри Хуҷанд меҳмони барномаи рангини адабӣ-фарҳангии муҳассилини ин мактабҳо гардида, баробари таманниёти нек таъкид намуд, ки пайваста илм омӯзанд»,-иттилоъ доданд аз маркази иттилоотии Мақомоти иҷроияи ҳокимияти давлатии шаҳри Хуҷанд ба хабарнигори АМИТ «Ховар».