Вазорати мудофиа: Нақшаи даъвати ҳарбӣ 91% иҷро шуд

Душанбе, 01.11.2016. /АМИТ «Ховар»/. Дар давоми як моҳи ҷараёни маъракаи муҳими сиёсӣ, яъне даъвати тирамоҳӣ ба сафи Қувваҳои мусаллаҳ нақшаи даъват 91% иҷро шуд.
Тавре ки аз Вазорати мудофиаи Ҷумҳурии Тоҷикистон хабар доданд, то имрӯз нақшаи даъват ба хизмати ҳарбӣ дар ВМКБ — 100% иҷро шуда, дар вилояти Хатлон — 96%, вилояти Суғд — 94%, шаҳри Душанбе ва ноҳияҳои тобеи марказ 81% -ро ташкил дод.
Хотиррасон мекунем, ки маъракаи даъвати тирамоҳӣ ба хизмати ҳарбӣ дар кишвар 1 октябр оғоз гардида, то 30 ноябр идома меёбад. Ба хизмати ҳатмии ҳарбӣ ҷавонони аз 18 то 27- сола даъват карда шудаанд.