Ҳамоиши кормандони соҳаи тибби вилоятҳои Суғд ва Боткент дар «Баҳористон»
Душанбе, 01.12.2016. /АМИТ «Ховар»/. Дар осоишгоҳи «Баҳористон»-и шаҳри Гулистон бо иштироки намояндагони соҳаи тандурустӣ ва дигар масъулони сохторҳои давлатии вилояти Суғди Ҷумҳурии Тоҷикистон ва вилояти Боткенти Ҷумҳурии Қирғизистон ҳамоиш доир гардид. Дар ин бора аз Хадамоти матбуоти раиси вилояти Суғд хабар доданд.
«Дар ҳамоиш масъалаҳои марбут ба ҳифзи саломатии модару кӯдак ва роҳи ҳалли муаммоҳо вобаста ба наврасон ва ҷавонон мавриди баррасӣ қарор гирифт. Барномаи мазкур бо ташаббуси Мақомоти иҷроияи ҳокимияти давлатии вилояти Суғд ва саҳмгузории ташкилоти ҷамъиятии «АНТИ» ва ташкилоти байналмилалии ЮНИСЕФ роҳандозӣ гардид»,- хабар додааст манбаъ.
Ба иттилои манбаъ, мақсади ҳамоиш, пеш аз ҳама, мустаҳкам намудани муносибати дӯстона миёни аҳолии наздисарҳадӣ ва вусъат бахшидан ба ҳамкории судманди кормандони соҳаи тандурустӣ ва дигар сохторҳои марбутаи вилоятҳои Суғду Боткент буд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
