Аз сарҳадшикан зиёда аз 20 кг ҳашиш дарёфт гардид
ДУШАНБЕ, 14.12.2016 /АМИТ «Ховар»/. Кормандони Раёсати Агентии назорати маводи нашъаовари назди Президенти Ҷумҳурии Тоҷикистон дар Вилояти Мухтори Кӯҳистони Бадахшон дар якҷоягӣ бо хизматчиёни ҳарбии Қӯшунҳои сарҳадии Кумитаи давлатии амнияти миллии Ҷумҳурии Тоҷикистон ва Раёсати гумрук дар ВМКБ истиқоматкунандаи деҳаи Вияри улусволии Шуғнони вилояти Бадахшони Ҷумҳурии Исломии Афғонистонро ҳангоми убури ғайриқонунии сарҳади давлатӣ дастгир карданд.
Тавре ки аз Агентии назорати маводи нашъаовари назди Президенти Ҷумҳурии Тоҷикистон ба АМИТ «Ховар» хабар доданд, «ҳангоми кофтукови шахсӣ аз номбурда ду халтаи полиэтиленӣ, ки дар дохили онҳо маводи ҳашиш бо ҳаҷми 21 кг 700 грамм мавҷуд буд, мусодира гардид».
Ҳамчунин кормандони Агентӣ дар ҳудуди шаҳри Душанбе сокини 43-солаи пойтахтро бо маводи ҳашиш, ки вазни он қариб 1 килограммро ташкил медод, дастгир намуданд.
Ба иттилои манбаъ, аз рӯи ҳодисаҳои мазкур парвандаи ҷиноӣ оғоз гардида, тафтишот давом дорад.
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
35-СОЛАГИИ ИСТИҚЛОЛИ ДАВЛАТӢ. Шаршараи Ниагара бо рангҳои Парчами давлатии Тоҷикистон фурӯзон мешавад
