Базмгоҳи асосии истиқболи Соли нави мелодии 2017 майдони «Дӯстӣ» мебошад

Декабрь 26, 2016 15:39

ДУШАНБЕ, 26.12.2016/АМИТ «Ховар»/. Базмгоҳи асосии таҷлили Соли нави мелодии 2017 дар пойтахти Ҷумҳурии Тоҷикистон- шаҳри Душанбе майдони «Дӯстӣ» -и пойтахт мебошад, ки аллакай дар ин ҷо арчаи солинавӣ гузошта шуда, бо чароғакҳои гуногун оро дода шудааст. Бояд зикр кард, ки 31 декабр аз соати 19:00 то 21:00 дар майдони «Дӯстӣ» барномаи идонаи солинавӣ бо иштироки устодони санъат ва ситораҳои эстрадаи тоҷик баргузор гардида, бо мушакпарронии панҷдақиқаина анҷом меёбад. Ҳамзамон мақомоти иҷроияи маҳаллии ҳокимияти давлатӣ дар шаҳри Душанбе барои дар сатҳи баланд истиқбол намудани соли нави мелодии 2017 нақшаи чорабиниҳои гуногуни солинавиро тарҳрезӣ намудааст. Хусусан барои хотирмон истиқбол намудани Соли нави мелодии 2017 дар толори Сирки давлатӣ 29 декабр намоиши идонаи солинавӣ барои хонандагони тамоми мактаб-интернатҳо ва толибилмони болаёқати шаҳри Душанбе ташкил мегардад.
Аз идораи фарҳанги шаҳри Душанбе ба АМИТ «Ховар» иттилоъ доданд, ки ба истиқболи Соли нави мелодии 2017 майдони марказии назди муҷассамаи Исмоили Сомонӣ, шаршараи Наврӯзгоҳ, боғ ва хиёбони Рӯдакӣ, кӯчаҳои Теҳрону Шоҳтемур ва боғҳои «Дӯстии халқҳо», «Кӯли ҷавонон» ба номи С.Айнӣ ва майдони «800-солагии Москва» идона ороиш дода шудааст.
Ҳамзамон барои пурнозу неъмат гардонидани хони идонаи сокинони пойтахт дар тамоми бозорҳои шаҳр ярмарка-фурӯши маҳсулоти кишоварзӣ ва молҳои ниёзи аввал ташкил мегардад. Инчунин дар арафаи Соли нав ба қишрҳои ниёзманди аҳолӣ, тарбиятгирандагони муассисаҳои махсуси иҷтимоӣ, хона-интернатҳо, пиронсолону маъюбон ва ятимон кумаки моддӣ расонида мешавад. Барои ҳифзи тартиботи ҷамъиятӣ ва таъмини амнияти шаҳрвандон дар рӯзҳои ташкил ва гузаронидани чорабиниҳои фарҳангии солинавӣ ба раёсатҳои Вазорати корҳои дохилӣ ва Кумитаи давлатии амнияти миллӣ дар шаҳри Душанбе дастур дода шудааст, ки тадбирҳои иловагӣ андешанд.

Декабрь 26, 2016 15:39

Хабарҳои дигари ин бахш

Дар Тоҷикистон ҳавои тағйирёбандаи бебориш пешгӯӣ мешавад
ҲИСОББАРОБАРКУНИҲОИ ҒАЙРИНАҚДӢ. Дар Вазорати рушди иқтисод ва савдо доир ба дарёфти роҳҳои ҳалли мушкилиҳои ҷойдошта дар ин самт ҷаласа доир гардид
СОЛИ МАЪРИФАТИ ҲУҚУҚӢ. Дар Хоруғ аз ҷониби гурӯҳи корӣ Кодекси андози Ҷумҳурии Тоҷикистон дар таҳрири нав шарҳ дода шуд
Дар шаҳри Норак вобаста ба баланд бардоштани маърифати ҳуқуқии ҷавонон вохӯрӣ доир гардид
Дар ноҳияи Рӯшон омодабошии нерую воситаҳои ҳудудӣ ва захираи сафарбарӣ мавриди санҷиш қарор дода шуд
Дар Душанбе тавсеи ҳамкорӣ байни Маркази тадқиқоти стратегии Тоҷикистон ва Академияи илмҳои ҷамъиятии Чин баррасӣ гардид
Имрӯз дар баъзе ноҳияҳои Тоҷикистон хавфи омадани сел боқӣ мемонад
ТАЪМИНИ АМНИЯТИ ОЗУҚАВОРӢ. Ба хоҷагиҳои кишоварзии шаҳри Норак 61 адад техникаи муосири кишоварзӣ дастрас гардид
Дар шаҳри Хоруғ 120 нақлиёти мусофирбари таксӣ ба фаъолият шуруъ кард
Дар Суди Олии иқтисодӣ Рӯзи Ваҳдати миллиро ботантана таҷлил намуданд
Дар Тоҷикистон ҳаво то 38 дараҷа гарм мешавад
СОЛИ МАЪРИФАТИ ҲУКУҚӢ. Ба ин муносибат дар Донишгоҳи байналмилалии сайёҳӣ ва соҳибкории Тоҷикистон ҳамоиш баргузор шуд