Дар ДДХ ба ифтихори 75- солагии Шоири халқии Тоҷикистон Ширин Бунёд маҳфили адабӣ доир гардид
ХОРУҒ, 17.12.2016. /АМИТ Ховар/. Дар Донишгоҳи давлатии Хоруғ бо ширкати олимону шоирон ва донишҷӯён бахшида ба 75-солагии Шоири Халқии Тоҷикистон Ширин Бунёд маҳфили шеъру тарона баргузор гардид. Дар ин бора хабарнигори АМИТ «Ховар» аз вилоят хабар дод.
Раиси бахши вилоятии Иттифоқи нависандагони Тоҷикистон Лаълҷубаи Мирзоҳасан нақши шоирро дар таъсиси ҳавзаи адабии Бадахшон хеле муассир унвон намуда, гуфт: «Аксарияти шоирони имрӯзаи вилоят шогирдони Ширин Бунёд мебошанд. Яке аз хизматҳои пурарзиши ӯ- ин ташкил намудани маҳфили адабии «Адибони Бадахшон» дар аввали солҳои хафтодуми асри гузашта мебошад. Баъдан дар заминаи ҳамин маҳфил бахши вилоятии Иттифоқи нависандагон таъсис ёфт».
«Устод Ширин Бунёд миёни шоирони кишвар низ аз маҳбубияти хоса бархурдор буд. Шоироне, ки аз маркази ҷумҳурӣ ба Бадахшон сафар мекарданд, бо хотироти ширину нек ба марказ бармегаштанд ва ин хотироти худро дар саҳифаҳои рӯзномаву маҷалла ба нашр мерасонданд. Ӯ на танҳо чун шоири варзида барои мо намуна буд, балки ҳамчун инсони хоксору меҳмондӯст, марди хушсуҳбату хушкалом дар хотири мо боқӣ мондааст»,-иброз дошт шоири ҷавон Алидоди Чароғабдол.
Дар поёни маҳфил ҳунармандони ҷавон сурудҳоро аз ашъори Ширин Бунёд манзури аҳли толор намуданд.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
