Дар ноҳияи Файзобод роҳпаймоӣ таҳти унвони «Ҷавонон- пайрави Пешвои миллат» баргузор гардид
ФАЙЗОБОД, 22.12.2016 /АМИТ «Ховар»/. Имрӯз сокинони ноҳияи Файзобод дар чойхонаҳои ҷамъиятӣ ва марказҳои ҷамоатҳои шаҳраку деҳоти ноҳия, муассисаҳои соҳаҳои маориф, тандурустӣ ва фарҳанг дастаҷамъона Паёми навбатии Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмонро ба воситаи оинаи нилгун тамошо намуданд. Дар ин бора ба хабарнигори АМИТ Ховар мутахассиси шуъбаи рушди иҷтимоӣ ва робита бо ҷомеаи ноҳия Розия Қаландарова иттилоъ дод.
Ба иттилои манбаъ, бархе аз сокинон изҳор доштанд, ки нуктаҳои асосии Паёми Пешвои миллатро дар зиндагии ҳаррӯзаи хеш истифода мебаранд.
«Дар Паём барномаи Ҳукумати мамлакат барои соли оянда ва солҳои минбаъда ва вазифаҳои стратегии ҷумҳурӣ муайян карда мешаванд. Ман боварии комил дорам, ки дар оянда корҳои созандагию бунёдкорӣ идома меёбанд ва кишварамон аз мамлакати аграрӣ ба мамлакати индустриалию аграрӣ табдил меёбад. Зиндагии мардуми тоҷик боз ҳам хубтар мегардад»,-иброз дошт мудири шуъбаи рушди иҷтимоӣ ва робита бо ҷомеаи ноҳия Сафарбек Нурзода ба хабарнигори АМИТ «Ховар».
Ба иттилои манбаъ, пас аз анҷоми Паём дар ноҳия роҳпаймоӣ таҳти унвони «Ҷавонон- пайрави Пешвои миллат» баргузор гардид.
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
Имрӯз дар баъзе ноҳияҳои Тоҷикистон чангу ғубор ба амал меояд
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
Имрӯз дар доманакӯҳҳои Тоҷикистон ҳаво то 35 дараҷа гарм мешавад
Имрӯз дар пойтахт Рӯзи фарҳанги вилояти Хатлон оғоз шуд
