Дар ВКД ҶТ рӯзи таъсиси воҳидҳои таъйиноти махсус таҷлил шуд
Душанбе, 06.12.2016. /АМИТ «Ховар»/. Дирӯз дар қароргоҳи Воҳидҳои таъйиноти махсуси Вазорати корҳои дохилии Ҷумҳурии Тоҷикистон рӯзи таъсиси ин ниҳоди бонуфузи мақомоти корҳои дохилӣ бо иштироки роҳбарият ва ҳайати шахсии ВКД, ҷузъу томҳои таъйиноти махсус, собиқадорон ва меҳмонон бо тантана таҷлил карда шуд. Дар ин бора аз Вазорати корҳои дохилӣ хабар доданд.
Вазири корҳои дохилӣ Рамазон Раҳимзода зимни табрики кормандони ин ниҳод гуфт: «Кормандони Воҳидҳои таъйиноти махсуси Вазорати корҳои дохилӣ дар тӯли солҳои сипаригардида вазифаи худро содиқона ва софдилона ба ҷо оварда, дар лаҳзаҳои ҳасосу тақдирсоз аз душвортарин муқовимату санҷишҳо гузашта, ҷиҳати безарар гардонидани дастаҳои мусаллаҳу ҷинояткор ва таъмини амнияти шаҳрвандон саҳми арзанда гузоштанд».
Таъкид шуд, ки гарчанде аз таъсиси воҳидҳои махсуси Вазорати корҳои дохилӣ солҳои зиёде нагузаштааст, вале дар тӯли фаъолият собит гардид, ки кормандони он ҳамчун фарзандони содиқи ин сарзамин ҳамеша омодаанд барои ҳифзи ин Ватан ва сарзамини аҷдодӣ ҷони худро нисор созанд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
