ДДТТ бори аввал дар мусобиқаи шоҳмот сазовори ҷои аввал гашт

ДУШАНБЕ, 08.11.2016 /АМИТ «Ховар»/. Мусобиқа оид ба шоҳмот байни устодон ва кормандони макотиби олии мамлакат дар Донишгоҳи техникии Тоҷикистон ба номи академик Осимӣ бо иштироки намояндагони ҳамаи муассисаҳои таҳсилоти олии кишвар баргузор шуд. Дар ин бора аз Донишгоҳи давлатии тиббии Тоҷикистон ба номи Абӯалӣ ибни Сино иттилоъ доданд.
«ДДТТ-ро дар ин мусобиқаи варзишӣ 7 нафар устодони донишгоҳ намояндагӣ намуданд. Мусобиқаҳо се рӯз идома карданд ва дастаи Донишгоҳи тиббӣ бори аввал дар ин мусобиқаи бонуфуз сазовори ҷои аввал гашт. Ҷойҳои дуюм ва сеюмро дастаҳои Донишгоҳи миллии Тоҷикистон ва Донишгоҳи техникии Тоҷикистон бо ҳам диданд»,-зикр намуд манбаъ.
Мусобиқаи мазкур байни устодону кормандони макотиби олӣ ҳамасола гузаронида шуда, беҳтарин дастаҳо аз тарафи кумитаи тадорукот бо ҷому туҳфаҳо қадрдонӣ карда мешаванд.