Хатлон: теъдоди занҳои роҳбар аз ҳисоби занон зиёд шудааст
ҚӮРҒОНТЕППА, 12.12.2016 /АМИТ «Ховар»/. Дар шаҳри Қӯрғонтеппаи вилояти Хатлон Форуми занони вилоят, ки дар соҳаи мақомоти ҳифзи ҳуқуқ фаъолият доранд, доир гардид. Дар ин бора аз Раёсати кор бо занон ва оилаи мақомоти иҷроияи ҳокимияти давлатии вилояти Хатлон ба хабарнигори АМИТ «Ховар» иттилоъ доданд.
«Дар кори Форум раиси вилояти Хатлон Давлатшоҳ Гулмаҳмадзода зикр кард, ки дар ҷумҳурӣ ба баланд бардоштани мавқеи зан дар ҷомеа диққати махсус дода мешавад. Аз ҷумла, шумораи кадрҳои роҳбарикунанда аз ҳисоби занон дар соли 2015 4 ҳазору 761 нафарро ташкил карда, дар 9 моҳи соли равон ин нишондод ба 5 ҳазору 200 нафар расонида шуд. Дар маҷмӯъ, шумораи кадрҳои роҳбарикунанда аз ҳисоби занон нисбат ба соли гузашта 439 нафар зиёд мебошад»,-хабар дод манбаъ.
Дар доираи Форум инчунин намоиши дастовардҳои занон дар соҳаи мақомоти ҳифзи ҳуқуқ баргузор гардид.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
