Истифодаи протоколҳои клиникӣ дар табобати беморон яке аз воситаҳои асосии истифодаи маводи доруворӣ мебошад

Душанбе, 02.12.2016. /АМИТ «Ховар»/. «Протоколҳои клиникӣ ҳамчун воситаи асосии истифодаи самараноки маводи доруворӣ»- таҳти ин мавзӯъ дар Маркази иттилоотӣ оид ба маводи доруворӣ (МИМД) мизи мудаввар барои кормандони соҳаи тандурустӣ  баргузор шуд.
Дар ин бора аз  Донишгоҳи давлатии тиббии Тоҷикистон ба номи Абӯалӣ ибни Сино иттилоъ доданд.
Бино ба иттилои манбаъ,  дар мизи мудаввар табибон  аз  нуқтаҳои гуногуни кишвар  иштирок намуданд.
Иштирокчиён дар рафти ҳамоиш масъалаҳои муҳими вобаста бо сатҳи истифодаи протоколҳои клиникӣ ва нақши протоколҳои клиникӣ дар табобати беморонро  баррасӣ намуд,    зикр намуданд:    «Бешубҳа истифодаи протоколҳои клиникӣ дар табобати беморон яке аз воситаҳои асосии истифодаи оқилонаи маводи доруворӣ мебошад, зеро протоколҳои клиникиро як табиб дар алоҳидагӣ тартиб надода, балки онро Вазорати тандурустӣ ва ҳифзи иҷтимоии аҳолии ҶТ  бо ҷалби гурӯҳи  мутахассисони баландтахассуси соҳаи тандурустӣ бо истифода аз тибби исботшуда аз нав дида баромада, тасдиқ менамояд».
Бояд зикр намуд, ки  мизи мудаввар бо ташаббуси    Маркази иттилоотӣ оид ба маводи доруворӣ  (МИМД) баргузор гардид.