КМТ: Дар соли 2016 зиёда аз 22 ҳазор нафар ба узвияти Китобхона пазируфта шуданд

Декабрь 26, 2016 17:40

mahmudov-800ДУШАНБЕ, 24.12.2016. /АМИТ «Ховар»/. Соли 2016  бо ҳама бурду бохт барои мардуми шарифи Тоҷикистон соли бобарору  таърихӣ буд, зеро дар ин сол миллати тоҷик 25-солагии истиқлолияти Тоҷикистонро  бо дастовардҳои муҳиму назаррас таҷлил намуд. Кормандони  Китобхонаи миллии Тоҷикистон, ки яке аз марказҳои илмиву маърифатии кишвар маҳсуб мешавад, дар ин сол шумораи аъзояшонро хеле зиёд карданд. Дар робита ба як соли фаъолияти ин муассиса бо муовини директори КМТ  Гадобек Маҳмудов суҳбат намудем.

«Дар  соли 2016 зиёда аз 22 ҳазор нафар ба узвияти Китобхона пазируфта шуда, теъдоди  умумии онҳо ба 105 ҳазор нафар расид. Дар соли равон дар Китобхона қариб 35 ҳазор нусха адабиёт ба маблағи умумии зиёда аз 1 миллион сомонӣ харидорӣ гардида,  ба фонди Китобхона  наздик ба  25 ҳазор адабиёти тозанашр  ворид карда шуд.  Дар баробари ин Китобхонаи миллӣ  якчанд лоиҳаву  барномаҳоро таҳқиқу пешниҳод кард. Тибқи  ин лоиҳаҳо омӯзиши курсҳои такмили ихтисоси кӯтоҳмуддат дар минтақаҳои ҷумҳурӣ ба роҳ монда шуд. Ин иқдом барои пешравии фаъолияти касбии китобдорон  дар минтақаҳо аҳамияти калон дошт».

Ба иттилои Гадобек Маҳмудов, ҳамзамон дар ҳамкорӣ бо Вазорати маориф ва илми ҷумҳурӣ барномае таҳти шиори «Биёед ,ба китобхона меравем» роҳандозӣ гардид. Он барои ҷалби хонандагон, бахусус донишҷӯёну толибилмони муассисаҳои таълимии кишвар ба китобхонаву китобхонӣ мусоидат намуд.

«Дар соли равон 367 ҳазору  739 нафар хонандагон ба Китобхонаи миллӣ барои китобхонӣ омаданд, ки нисбат ба соли гузашта 111 ҳазор нафар зиёд мебошад. Ба  ҳисоби миёна ҳамарӯза ба Китобхона  1050 нафар хонандагон меоянд. Инчунин дар соли 2016  сомонаи Китобхонаи миллӣ хеле фаъол буд ва  аз он 291 ҳазору 438 нафар  баҳра бардоштанд.

Дигар дастоварди Китобхона  дар соли сипаригардида-, ин  баргузории  зиёда аз   120 барномаи фарҳангии дорои сатҳи байналмилалӣ ва ҷумҳуриявӣ мебошад, ки нисбат ба  соли 2015  шаш номгӯй зиёд аст. Ҳамзамон  маъмурияти Китобхона ҷиҳати забономӯзии ҷавонон ва дигар хонандагон курсҳои омӯзиши забонҳои хориҷиро, ки аз ҳисоби мутахассисони ботаҷриба ташкил гардидааст,  ба роҳ мондааст. Ин иқдом минбаъд низ идома хоҳад ёфт.  Дар маҷмӯъ, соли 2016 барои кормандони Китобхонаи миллӣ соли сермаҳсулу бобарор буд».- илова намуд  Гадобек Маҳмудов, муовини директори Китобхонаи миллии Тоҷикистон.

Декабрь 26, 2016 17:40

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад