Комиссияи байниҳукуматӣ самтҳои ҳамкорӣ дар бахшҳои иқтисод, савдо, нақлиёт, саноат, фарҳанг, маориф, варзиш ва тандурустиро баррасӣ кард

Декабрь 28, 2016 14:23

ДУШАНБЕ, 28.12.2016 /АМИТ «Ховар»/. Рӯзҳои 27-28 декабри 2016 дар шаҳри Душанбе ҷаласаи 4-уми Комиссияи байниҳукуматӣ миёни Ҷумҳурии Тоҷикистон ва Ҷумҳурии Ӯзбекистон оид ба ҳамкории тиҷоративу иқтисодӣ баргузор гардид.
Мавриди зикр аст, ки ҳайати Ӯзбекистонро дирӯз Президенти Ҷумҳурии Тоҷикистон муҳтарам Эмомалӣ Раҳмон ба ҳузур пазируфт. Зимни мулоқоти Сарвари давлат бо ҳайати меҳмонон ба Президенти Ҷумҳурии Ӯзбекистон Шавкат Мирзиёев пайғом дода шуд, ки дар вақти барояш муносиб ба Ҷумҳурии Тоҷикистон сафари расмӣ  анҷом диҳад.
Ҷаласаи 4-уми Комиссияи байниҳукуматӣ таҳти роҳбарии муовини аввали Сарвазири Тоҷикистон Давлаталӣ Саид ва муовини  Сарвазири Ӯзбекистон Рустам Азимов ҷараён гирифт.
Бояд гуфт, ки муносибатҳои Тоҷикистону Ӯзбекистон дар заминаи ҳамсоягии нек, дастгирии ҳамдигарӣ ва кумаки бародарӣ асос ёфта, ҳамеша бо талоши бештар баҳри тақвият додан ва васеъ намудани муносибатҳои дӯстонаи таърихӣ фарқ мекарданд.
Натиҷаҳои ҷаласаи баргузоршуда бори дигар таваҷҷуҳи хосаи ҷонибҳоро барои рушди муносибатҳои баробару судманд нишон дод.
Ҳарду ҷониб нақшаҳои зиёд барои ҳамкории бештари босамар, амалӣ намудани лоиҳаҳои шарикии дорои хусусияти иқтисодӣ, рушди муколамаи фарҳангӣ ва байни миллатҳоро доранд.
Ҷаласаи Комиссия дар рӯҳияи созандагӣ ва эҳтироми ҳамдигарӣ сурат гирифта, дар доираи он масъалаҳои муҳими ҳамкории дуҷониба, аз ҷумла, самтҳои асосии ҳамкорӣ дар бахшҳои иқтисод ва савдо, нақлиёт, саноат, фарҳанг, маориф, варзиш ва тандурустӣ мавриди баррасӣ қарор дода шуд.
Ҷонибҳо мавқеъ ва роҳҳои асосии афзун намудани гардиши тиҷоратӣ-иқтисодиро муҳокима карданд.
Қарор карда шуд, ки ҷаласаи навбатии Комиссияи байниҳукуматӣ миёни Ҷумҳурии Тоҷикистон ва Ҷумҳурии Ӯзбекистон соли 2017 дар шаҳри Тошкент баргузор гардад.

 

Декабрь 28, 2016 14:23

Хабарҳои дигари ин бахш

Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Дар ноҳияи Ҷалолиддини Балхӣ ҳаҷми истеҳсоли маҳсулоти кишоварзӣ 946 миллион сомониро ташкил дод
Рушди ҳамкорӣ дар самти заминсозӣ ва кадастри замин баррасӣ гардид
Ҳаҷми гардиши мутақобили мол байни Тоҷикистон ва Амороти Муттаҳидаи Араб беш аз 2 баробар афзудааст
Корхонаҳои саноатии вилояти Хатлон ба маблағи беш аз 5 миллиард сомонӣ маҳсулот истеҳсол намудаанд
Ҳамкории Тоҷикистон ва Амороти Муттаҳидаи Араб дар соҳаи авиатсияи гражданӣ баррасӣ шуд
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд