Лоиҳаи беҳтар гардонидани низоми оби нўшокӣ ва санитарӣ дар 7 деҳаи дурдасти Тоҷикистон муваффақона анҷом ёфт
ДУШАНБЕ, 09.12.2016 /АМИТ «Ховар»/. Сафири Фавқулода ва Комилҳуқуқи Ҷопон дар Ҷумҳурии Тоҷикистон Ҳаҷимэ Китаока дар маросими анҷоми муваффақонаи «Лоиҳаи беҳтар гардонидани низоми оби нўшокӣ ва оби санитарӣ дар 7 қишлоқи дурдасти Тоҷикистон» иштирок намуд. Лоиҳаи мазкур дар чаҳорчӯбаи Барномаи кумакҳои бебозгашт барои бахши аъзами аҳолӣ ва амнияти башарӣ (GGP) амалӣ гардид.
Дар ин бора ба АМИТ «Ховар» аз Сафорати Ҷопон дар Тоҷикистон иттилоъ доданд.
«Баҳри рушди низоми оби нўшокӣ ва санитарӣ дар минтақаҳои осебпазир ва дурдасти Тоҷикистон аз тарафи Ҳукумати Ҷопон барои Ҷамъияти Ҳилоли Аҳмар дар Ҷумҳурии Тоҷикистон маблағи умумии 89,444 доллари ИМА ҳамчун грант ҷудо гардид. Лоиҳаи мазкур дар 8 макон амалӣ шуд. Минҷумла, дар деҳаҳои Баҳор ва Меҳнатободи ҷамоати Султонобод ва деҳаи Қосимободи ҷамоати Лоҳурии ноҳияи Рудакӣ, деҳаҳои Бедак ва Тутакаи ҷамоати Алмосӣ ва деҳаи Ардиҷаки болои ҷамоати Хонақои Кӯҳии ноҳияи Ҳисор, деҳаи Қаратоғи ҷамоати Қаратоғи ноҳияи Шаҳринав ва деҳаи Чиртаки ҷамоати Навободи шаҳри Турсунзода»,-зикр кард манбаъ.
Бо мақсади таъмини ин деҳаҳо бо оби тозаи ошомиданӣ низоми таъминоти об сохта шуда, низоми истифодаи муассири об таҳия карда шуд. Дар натиҷа, сокинони 8 деҳоти дурдаст ба оби тоза ва кофӣ дастрасӣ пайдо карданд.
Дар маросими баанҷомрасӣ дар баробари сокинони маҳаллӣ ва намояндагони ҷамоати маҳаллӣ, Баҳодур Қурбониён -дабири кулли Ҷамъияти Ҳилоли Аҳмари Тоҷикистон ва Парвиз Акрамзода, муовини якуми Раиси шаҳри Турсунзода ҳузур дошта, миннатдории хешро ба Ҳукумат ва мардуми Ҷопон барои дастгирӣ изҳор намуданд.
«Ҳукумати Ҷопон тасмим гирифтааст дар оянда низ кумаки хешро ба аҳолии Тоҷикистон дар ин самт идома диҳад»,-илова кард манбаъ.
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
Бунгоҳи тиббӣ ва бинои маъмурии Маркази миллии таълимӣ барои омодасозии наҷотдиҳандагони Тоҷикистон ва Осиёи Марказӣ ба истифода дода шуд
ТОҶИКОН АЗ ОҒОЗИ ТАЪРИХ МИЛЛАТИ ПАРЧАМДОР БУДАНД. Андешаҳои корманди Маркази тадқиқоти стратегӣ
«Ту қалби Тоҷикистонӣ, Душанбе!». Дар ноҳияи Шоҳмансур ғолибони даври ноҳиявии озмун ҳавасманд гардонида шуданд
