Маҷмааи кӯҳию лижаронии «Сафед-Дара» дар тарбияи варзишгарон ва ҷалби сайёҳону варзишгарони кишварҳои гуногун саҳми сазовор мегузорад

ДУШАНБЕ, 28.12.2016 /АМИТ «Ховар»/. «Бо мақсади рушду инкишофи варзиши лижаронӣ дар мамлакат ва ҳамзамон бо ин, омода намудани ҷавонону наврасон ба ин намуди варзиш дар мавзеи Сафедорак маркази варзишӣ бо 60 ҷойи нишаст бунёд карда шудааст ва он имконият медиҳад, ки ҷавонону наврасон бо истифода аз шароити беҳтарини муҳайёшуда таҳсилу тамрин карда, дар мусобиқаҳои сатҳи минтақавию байналмилалӣ фаъолона иштирок намоянд, — таъкид намуданд Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни суханрониаш дар ифтитоҳи биною иншооти нави Маҷмааи кӯҳию лижаронии «Сафед-Дара».
Пешвои миллат ҳамчунин таъкид намуданд, ки: « Маҷмааи навбунёд дар самти дарёфту тарбияи варзишгарон ба ин намуди зебои варзиш ва ҷалби сайёҳону варзишгарони кишварҳои гуногун ба ин мавзеи зебо саҳми сазовори худро мегузорад».