Мулоқоти Сарвазири мамлакат бо Сафири Мамлакати Арабистони Саудӣ
ДУШАНБЕ, 14.12.2016. /АМИТ «Ховар»/. Имрўз Сарвазири мамлакат Қоҳир Расулзода бо Сафири Фавқулода ва Мухтори Мамлакати Арабистони Саудӣ дар Тоҷикистон Абдулазиз ибни Муҳаммад ал-Бодӣ мулоқот кард.
Дар мулоқот масоили марбут ба муносибатҳои байниҳукуматии Тоҷикистону Арабистони Саудӣ дар соҳаҳои мавриди таваҷҷуҳ баррасӣ шуданд.
Ҷонибҳо татбиқи мувофиқаҳои зимни сафари расмии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Шоҳигарии Арабистони Саудӣ ҳосилшударо дар рушду тавсеаи ҳамкории дуҷониба муҳим арзёбӣ карда, барои роҳандозии татбиқи лоиҳаҳои сохтмони иншооти энергетикӣ, таҷдиду барқарорсозии роҳу кўпрукҳо ва расонидани кумакҳои башардўстона ҷиҳати бартарафсозии оқибатҳои офатҳои табиӣ дар Ҷумҳурии Тоҷикистон ҳавасмандӣ зоҳир намуданд.
Дар мулоқот ҳамчунин ҷиҳати рушду тавсеаи ҳамкории иқтисодию тиҷоратӣ, сармоягузорӣ ва беҳтар гардонидани кори Комиссияи байниҳукуматии Тоҷикистону Арабистони Саудӣ оид ба ҳамкории тиҷоратию иқтисодӣ ва илмию техникӣ мулоҳизаҳои судманд баён карда шуд.
Имрӯз дар шаҳри Душанбе ҳавои тағйирёбанда пешгӯӣ мешавад
Дар қаламрави Тоҷикистон заминларза ба амал омад
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
