Намоиши асарҳои суратгирони Ҷопон дар Китобхонаи миллӣ муддати 7 рӯз давом меёбад
ДУШАНБЕ, 16.12.2016. /АМИТ «Ховар»/. Аз санаи 20-ум то 27-уми декабри соли ҷорӣ дар Китобхонаи миллии Тоҷикистон намоиши аксҳои суратгирони Ҷопон таҳти унвони «Нигоҳе ба ҷаҳони муосир: аксҳои ҷопонӣ аз солҳои 1970 то имрӯз» баргузор мегардад. Дар ин бора ба АМИТ «Ховар» аз сафорати Ҷопон дар Душанбе иттилоъ доданд.
Дар ин рӯзҳо барои тамошобинони тоҷик ва меҳмонони пойтахт асарҳои 23 суратгири маъруфи Ҷопон, ки дар онҳо манзараҳо ва лаҳзаҳо аз ҳаёти пурҷӯшу хурӯши ҷомеаи Ҷопон дар даврони рушди босуръати иқтисоду саноат (солҳои 70-уми асри гузашта) ва замони муосир инъикос шудаанд, ба намоиш гузошта мешавад.
Намоиши аксҳо бо ташаббуси Сафорати Ҷопон дар Ҷумҳурии Тоҷикистон ва Фонди Ҷопон бо мусоидати Вазорати корҳои хориҷии мамлакат, Китобхонаи миллӣ, Вазорати фарҳанги Тоҷикистон сурат мегирад. Даромад ба намоишгоҳ ройгон мебошад.
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Имрӯз дар водиҳои Тоҷикистон ҳаво то 26 дараҷа гарм мешавад
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
