Наваскарони Кумитаи ҳолатҳои фавқулода савганди садоқат ба Ватан ёд карданд

Душанбе, 08.12.2016 /АМИТ «Ховар»/. Дирӯз дар қисми ҳарбии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон маросими тантанавии савгандёдкунии наваскарони даъвати тирамоҳӣ баргузор шуд.
Тавре аз Кумитаи мазкур хабар доданд, дар маросими барои сарбозони ҷавон хеле муҳим ва хотирмон волидон, хешовандон, наздикон ва дӯстони онҳо иштирок намуданд. Дар ҷамъомад наваскарон дар вазъияти тантанавӣ қасами садоқат ёд карданд.
«Дар доираи ин рӯзи хотирмон тимҳои садамавиву наҷот дар назди наваскарон амалҳоеро иҷро карданд, ки ҳангоми ҳолатҳои фавқулода бояд анҷом дода шаванд»,-иттилоъ медиҳад манбаъ.