Наваскарони отрядҳои сарҳадии Қӯшунҳои сарҳадии КДАМ савганд ёд карданд

Декабрь 14, 2016 16:19

ДУШАНБЕ, 14.12.2016 /АМИТ «Ховар»/. Дар отрядҳои сарҳадии «Хоруғ», «Ҳамадонӣ», «Панҷакент» ва Маркази таълимии «Пойтахт»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон маросими савгандёдкунии зиёда аз 500 нафар наваскарон баргузор гардид.
Сардори маркази матбуоти Қӯшунҳои сарҳадӣ Муҳаммад Улуғхоҷаев ба хабарнигори АМИТ «Ховар» хабар дод, ки маросим бо садо додани Суруди миллӣ ва баровардани байрақи ҷангӣ оғоз гардид. Фармондеҳи Қӯшунҳои сарҳадӣ наваскаронро табрик намуда, зикр кард, ки: «Вазифаи аввалиндараҷаи ҳар як хизматчии ҳарбӣ- ин садоқат ба Савганди ҳарбӣ мебошад. Моҳияти асосии Савганди ҳарбӣ -ин қасами сарбоз барои ҳифзи сохти конститутсионии давлат, ҳифзи марзу буми Ватан, манфиатҳои умумимиллию давлатӣ ва ҳимояи дастовардҳои Истиқлолият мебошад. Бинобар ин аз афсарони баландрутба сар карда, то сарбози қаторӣ бояд ҳамеша зираку ҳушёр ва сипари боэътимоди давлату миллати худ бошанд».
«Дӯст доштани сарзамини аҷдодӣ ва содиқона посбонӣ кардани ҳар ваҷаб марзи он дар асли хеш хизмат кардан ба Ватан аст. Аз ин рӯ, хизмати аскарӣ барои ҳар як ҷавон мактаби воқеии ҳаёт мебошад, чунки ин давра ба онҳо сабақи ватандӯстиву ҷавонмардӣ ва обутоби ҷисмонӣ медиҳад»,-изҳор доштанд раисони шаҳру ноҳияҳо, намояндагони мақомоти қудратӣ, собиқадорон ва падару модарони сарбозон.
Пас аз маросими савгандёдкунӣ афсарону сарбозони фаъол бо медалҳо, нишони сарисинагӣ ва ифтихорномаҳо сарфароз гардиданд.

Декабрь 14, 2016 16:19

Хабарҳои дигари ин бахш

Дар Тоҷикистон дар беш аз 27 ҳазор гектар ҷуворимакка барои дон кишт гардидааст
Имрӯз ҳаво дар водиҳои Тоҷикистон то 40 дараҷа гарм мешавад
Дар Тоҷикистон Фестивали хӯрокҳои милллии Покистон баргузор мегардад
Имрӯз ҳаво дар шаҳри Душанбе то 35 дараҷа гарм мешавад
Дар Душанбе ба муносибати Истиқлолияти Амрико чорабинӣ баргузор шуд
Заминҳои назди бинои муассисаву идораҳои шаҳри Норак самаранок истифода мешаванд
Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
Истироҳат дар Суғд – бо алоқаи боэътимод
Имрӯз дар водиҳои Тоҷикистон ҳаво то 38 дараҷа гарм мешавад
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Хоруғ мизбони конфронси ҷумҳуриявӣ оид ба ташаббусҳои байналмилалии Пешвои миллат дар самти сулҳу ваҳдат шуд