«Пойдории оила-асоси устувории ҷомеа»- ҳамоиши ҷавонон дар Кӯҳистони Мастчоҳ

ДУШАНБЕ, 31.12.2016 /АМИТ «Ховар»/. Дар ҷамоати деҳоти Лангари ноҳияи Кӯҳистони Мастчоҳ бо иштироки васеи ҷавонон ва фаъолон таҳти унвони «Пойдории оила асоси устувории ҷомеа» ҳамоиш баргузор гардид. Тавре аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, баргузории чунин ҷамъомадҳо дар доираи амалӣ намудани «Барномаи миллии рушди иҷтимоии ҷавонон барои солҳои 2016-2018» ва пешгирии никоҳи хешутаборӣ миёни ҷавонон, ба ин васила баланд бардоштани маърифати оиладорӣ миёни ҷавонон роҳандозӣ мегардад.
Дар ҳамоиш доираи васеи ҷавонон миёни ҳам оид ба масъалаҳои гуногун, аз ҷумла никоҳи хешутаборӣ ва оқибатҳои ноустувори он, сабаб ва омилҳои ҷудошавии оилаҳои ҷавон, тарбия ва ба камол расонидани кӯдакон дар муҳити оилаҳои ҷавон, вазъи иҷтимоию иқтисодии оилаҳо ва таҳаммулпазирию эҳтироми тарафҳо ибрози андеша намуданд.