Роҳбарияти Раёсати авиатсияи граждании Вазорати нақлиёти Ҷумҳурии Тоҷикистон барои идомаи гуфтушунидҳо ба Москва рафт
ДУШАНБЕ, 22.12.2016 /АМИТ «Ховар»/. Парвози ҳавопаймои ширкати «Ямал»-и Федератсияи Россия ба Душанбе имрӯз дар назар дошта шудааст. Тавре ки ба АМИТ «Ховар» аз фурудгоҳи байналмилалии Душанбе иттилоъ доданд, «бо назардошти он ки 100 нафар мусофирон билет харидорӣ карда, муддати ду рӯз дар фурудгоҳи «Жуковский» мунтазири парвоз буданд, Раёсати авиатсияи граждании Вазорати нақлиёти Ҷумҳурии Тоҷикистон қарор қабул кард, ки ба ширкати «Ямал» ба таври истисно иҷозати парвоз дода шавад».
Ҳамчунин субҳи имрӯз аз фурудгоҳи байналмилалии Душанбе самолёти ширкати «Сомон эйр» бо хатсайри «Душанбе-Москва-Душанбе» парвоз кард. Бо хатсайри мазкур ҳайати комиссияи давлатӣ таҳти роҳбарии сардори Раёсати авиатсияи граждании Вазорати нақлиёти Ҷумҳурии Тоҷикистон барои идомаи гуфтугӯҳо бо Вазорати нақлиёти Федератсияи Россия оид ба парвози ҳавопаймоҳои ширкати «Ямал» ба шаҳрҳои Душанбе ва Хуҷанд ба Москва рафт.
Хотиррасон мешавем, ки ширкати «Ямал»-и Федератсияи Россия барои парвоз ба шаҳрҳои Душанбе ва Хуҷанд аз тарафи Вазорати нақлиёти Федератсияи Россия иҷозат гирифтааст, аммо Раёсати авиатсияи граждании Вазорати нақлиёти Ҷумҳурии Тоҷикистон бинобар риоя нашудани баробарӣ (паритет) парвози ҳавопаймоҳои ширкати «Ямал»-ро ба Тоҷикистон дар мавсими зимистони солҳои 2016-2017 ғайриимкон медонад.
Барои довталабон ва шахсони масъули рушди захираҳои инсонӣ дар низоми бонкии Тоҷикистон оид ба барномаи JISPA ҳамоиш доир шуд
Дар «Тоҷикаэронавигатсия» татбиқи Стратегияи миллии фаъолгардонии нақши занон дар Тоҷикистон баррасӣ гардид
Сафири Тоҷикистон дар Форуми ҳайати фармондеҳони Маркази омӯзишҳои таҳқиқотии Шарқи Наздик ва Осиёи Ҷанубӣ иштирок намуд
Маҳсулоти пешрафтаи рақамӣ (digital)-ро кӣ ва чӣ гуна таҳия менамояд
Имрӯз дар водиҳои Тоҷикистон ҳаво то 33 дараҷа гарм мешавад
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
