Қӯшунҳои сарҳадии КДАМ 25 кг маводи мухаддир дарёфт намуданд
Душанбе, 06.12.2016 /АМИТ «Ховар»/. Хизматчиёни ҳарбии Қӯшунҳои сарҳадии КДАМ аз минтақаҳои дидбонгоҳҳои сарҳадии Отряди сарҳадии «Шӯрообод»-и ҚС КДАМ ҶТ 25 кг маводи мухаддири навъи афюн ва 4 кг бангдона дарёфт намуданд.
Тавре Муҳаммад Улуғхоҷаев, сардори маркази матбуоти Қӯшунҳои сарҳадии КДАМ ҶТ ба АМИТ «Ховар» хабар дод, «ин миқдор маводи мухаддир ҳангоми пешгирии ду ҳолати воридшавии маводи мухаддир аз Ҷумҳурии Исломии Афғонистон ба Ҷумҳурии Тоҷикистон дар натиҷаи азназаргузаронии ҷои ҳодиса мусодира гардидааст».
Ба иттилои М. Улуғхоҷаев, «қочоқбарони афғон ҳангоми убури ғайриқонунии сарҳади давлатӣ бо наряди сарҳадӣ ва кормандони КДАМ ҶТ рӯ ба рӯ мешаванд. Сарҳадбонон мувофиқи талаботи Оинномаи Қӯшунҳои сарҳадӣ амал намуда, барои нигоҳ доштани вайронкунандагони сарҳади давлатӣ ба осмон тир холӣ менамоянд. Қочоқбарони афғон ба амри муҳофизони сарҳад итоат накарда, ба онҳо муқобилият нишон медиҳанд. Дар натиҷа байни онҳо задухӯрди мусаллаҳона ба вуқӯъ меояд ва қочоқбарони афғон ба самти Афғонистон фирор менамоянд».
Нисбат ба ин ҳодисаҳо аз тарафи Раёсати КДАМ ҶТ дар вилояти Хатлон корҳои тафтишотӣ идома доранд.
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
