Суғд: 92 адад корхонаи нав бо зиёда аз 2,5 ҳазор ҷойи корӣ мавриди баҳрабардорӣ қарор гирифт

Декабрь 16, 2016 10:53

ДУШАНБЕ, 16.12.2016. /АМИТ «Ховар»/. Дирӯз дар Мақомоти иҷроияи ҳокимияти давлатии вилояти Суғд ҷаласаи ҷамъбастӣ оид ба натиҷаҳои рушди иқтисодиву иҷтимоии вилоят дар 11 моҳи соли равон баргузор гашт.
Тавре аз Хадамоти матбуоти вилоят хабар доданд, кори ҷаласа таҳти раёсати Раиси вилоят Абдураҳмон Қодирӣ ва бо иштироки муовини якуми Сарвазири мамлакат Давлаталӣ Саид ҷараён гирифт.
«Дар ҷаласа Раиси вилоят таъкид дошт, ки дар вилоят дар ҳамаи бахшҳо корҳои назаррас ба сомон расонида шуда, рушди ҳамаи самтҳои хоҷагии халқи вилоят таъмин гардид. Дар ин давра қисми даромади буҷети вилоят ба андозаи 103,2 фоиз иҷро гардида, дар маҷмӯъ ба буҷет 1 миллиарду 246 миллиону 219,4 ҳазор сомонӣ маблағ ворид гардидааст. Дар баробари ин, иҷрои нақшаи буҷети давлатӣ дар шаҳру ноҳияҳои Исфара, Деваштич, Конибодом, Зафаробод ва Спитамен таъмин нагардид»,-иттилоъ дод манбаъ.
Тибқи маълумоти расмӣ, давоми соли равон дар вилоят таъсиси 98 коргоҳи саноатӣ ба нақша гирифта шуда, то имрӯз 92 адад корхонаи нав бо зиёда аз 2,5 ҳазор ҷойи кор мавриди баҳрабардорӣ қарор гирифтааст. Илова бар ин, дар ин давра дар вилоят беш аз 315 ҳазор тонна ғаллагиҳо, 433 ҳазор тонна сабзавот, 348 ҳазор тонна картошка, 108 ҳазор тонна мевагӣ, зиёда аз 36 ҳазор тонна гўшт ва 218,5 ҳазор тонна шир истеҳсол карда шудааст.
«Ҳамчунин дар 11 моҳ 1410 гектар боғу токзори нав, аз ҷумла 1270 гектар боғ ва 140,2 гектар токзор бунёд гардид, ки 129,5 фоизи нақшаи тасдиқгардидаи дурнамои соҳаро ташкил медиҳад»,-хабар доданд аз вилоят.

Декабрь 16, 2016 10:53

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт