Тақвияти ҳамкории судманд миёни Тоҷикистону Беларус
ДУШАНБЕ, 21.12.2016 /АМИТ «Ховар»/. Масъалаи ташкили коргоҳ барои васлу насби техникаву таҷҳизоти трактор, ки қисмҳои он аз Беларус оварда мешавад, зимни мулоқоти Раиси вилояти Суғд Абдураҳмон Қодирӣ бо Сафири Фавқулода ва Мухтори Ҷумҳурии Беларус дар Ҷумҳурии Тоҷикистон Олег Иванов баррасӣ гардид. Дар ин бора аз хадамоти матбуоти Раиси вилояти Суғд иттилоъ доданд.
«Зикр шуд, ки феълан дар ин самт корҳо оғоз гардида, дар ояндаи наздик самараи нек ба бор хоҳанд овард. Зимни мулоқот ҷонибҳо бо қаноатмандӣ изҳор доштанд, ки ҳамкории судманд дар соҳаҳои гуногун миёни Тоҷикистону Беларус беш аз пеш тақвият меёбанд»,-хабар дод манбаъ.
Дар ҷараёни мулоқот ҳамзамон ҷонибҳо оид ба сафарбар намудани мутахассисони соҳаи кишоварзӣ ба Беларус бо мақсади табодули таҷриба, ифтитоҳи марказҳои муштараки омодасозии мутахассисони баландпоя ва дигар мавзӯъҳои мавриди таваҷҷуҳ андешаронӣ намуданд. Тавре зикр гардид, кӯшишҳои Ҷумҳурии Тоҷикистон ва Ҷумҳурии Беларус дар доираи муносибатҳои дӯстона бар он равона шудаанд, то имокниятҳои мавҷуда самаранок истифода гардида, ҳамкории судманд боз ҳам вусъат ёбанд.
Дар Душанбе 176 кило гӯшти бедонаи ба талаботи бехатарӣ ҷавобгӯнабуда мусодира гардид
Дар ноҳияи Исмоили Сомонӣ намоишҳои фурӯши либос ва лавозимоти мактабӣ идома дорад
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
