Воридоти умумии сармоягузории хориҷӣ дар нуҳ моҳи соли 2016 695 млн. доллари ИМА-ро ташкил дод
ДУШАНБЕ, 13.12.2016. /АМИТ «Ховар»/. Дар Кумитаи давлатии сармоягузорӣ ва идораи амволи давлатии Ҷумҳурии Тоҷикистон зимни ҷаласаи васеи ҳайати мушовара натиҷаҳои фаъолияти Кумита дар соли 2016 ва вазифаҳо барои соли 2017 баррасӣ шуданд.
Дар ин бора аз Кумитаи мазкур иттилоъ доданд.
«То 1 декабри соли равон маҷмӯи лоиҳаҳои давлатии сармоягузории амалкунанда маблағи умумии 22,1 млрд. сомониро ташкил мекунад. Аз оғози татбиқи лоиҳаҳо то ба 1 декабри соли 2016, 10,8 млрд. сомонӣ аз худ карда шудааст, ки ин 48,6%-и маблағи умумии лоиҳаҳоро ташкил медиҳад. Дар доираи лоиҳаҳои мазкур 2,9 млрд. сомонӣ аз худ карда шудааст, ки ин дар маҷмӯъ ба 71%-и нақшаи солона баробар мебошад. Дар ин давра бо шарикони рушд 23 созишномаи нав ҷиҳати амалисозии 13 лоиҳаи афзалиятноки кишвар ба маблағи умумии 234,3 млн. доллари ИМА ба имзо расонида шуд»,-хабар дод манбаъ.
Бояд гуфт, ки тибқи маълумоти расмӣ воридоти умумии сармоягузории хориҷӣ дар нуҳ моҳи соли 2016-ум 695,0 млн. доллари ИМА-ро ташкил додааст. Аз он 354,4 млн. долларро сармоягузории мустақими хориҷӣ ташкил медиҳад.
15 июл дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
Дар Тоҷикистон 11 лоиҳаи сармоягузорӣ дар соҳаи роҳу нақлиёт ба маблағи беш аз 1,1 миллиард доллар амалӣ мегардад
